Francisco Javier Redondas Maseda é o gañador do IX Concurso de Fotografía “O mellor recuncho de Mondoñedo”

Mondoñedo, 6 de decembro, 2024. Ven de reunirse o xurado designado polo Excmo. Concello de Mondoñedo para valorar as fotografías presentadas ao IX Concurso de Fotografía “O Mellor Recuncho de Mondoñedo” e, da súa xuntanza, derivouse a seguinte terna de gañadores:

1º – Francisco Javier Redondas Maseda
2º – Marcos Candia Cuba
3º – Gonzalo Villarmea Carreiras

Para o concurso presentáronse 31 fotos das que, ademais da terna de gañadores, extractáronse outras 10 fotos máis a criterio do xurado, que xunto coas tres premiadas conformarán as imaxes do calendario do Concello de Mondoñedo do ano 2025.

A entrega de premios, que terá lugar nos vindeiros días e coincidirá coa presentación do calendario oficial do Concello de Mondoñedo.

Concello e xurado agradecen a participación cidadá neste concurso e emprazan á veciñanza para o concurso do vindeiro ano.

O xurado estaba composto por:

Presidente – D. Alberto García – Concelleiro de Cultura. Con voz e voto.
Vogal – Dna. María Patricia Otero – Concelleira Camiño Norte. Con voz e voto
Vogal – Dna. Pepa Losada – Fotógrafa de La Voz de Galicia. Con voz e voto
Vogal – D. José Álvez – Fotógrafo de El Progreso. Con voz e voto.
Vogal – D. Manuel Antonio Fernández Piñeiro – Director Territorial de Cultural, Xunta de Galicia, Delegación de Lugo. Con voz e voto.
Vogal – Dna. Paloma Vázquez – Xefa do Servizo Provincial de Turismo da Xunta de Galicia. Delegación de Lugo. Con voz e voto.
Secretario – D. Abel Vigo – Persoal do Concello de Mondoñedo. Con voz sen voto.