A secretaria de Transportes e Mobilidade Sostible do PSdeG lamenta que os populares traten de “enganar e crear falsas alarmas” mentres os servizos que dependen da Xunta “levan anos sen dar resposta ás necesidades de mobilidade dos galegos e das galegas”
Lugo, 6 de decembro de 2024. “O Partido Popular da provincia de Lugo, unha vez máis mentindo, enganando e creando falsas alarmas”. A secretaria de Transportes e Mobilidade Sostible do PSdeG, Patricia Otero, advertiu con esas palabras da estrataxia do PP para agochar as eivas do plan de transporte público da Xunta tratando de desviar a atención sobre un servizo que “leva anos sen funcionar, sen dar resposta ás necesidades de mobilidade dos galegos e das galegas”.
A tamén deputada socialista no Congreso explicou: “O que é verdade é que a renovación do mapa concesional estatal permitirá ter autobuses que cheguen no menor tempo ao punto de destino, e tamén permitirá que os prezos dos billetes baixen”. Por iso, lamentou que a Xunta, cando o ministerio lle está a ofrecer a posibilidade de participar na reformulación do mapa concesional do transporte de viaxeiros por estrada, “non quere, e ademais renuncia aos cartos que o Goberno lle concede para mellorar os servizos de proximidade”.
O transporte interurbano, que é competencia da Administración autonómica, e que é “o que máis lles interesa aos veciños e veciñas”, debe facilitar ás persoas que residen nos concellos máis rurais acceder “nun tempo axeitado” ás cidades e cabeceiras comarcais, sinalou Otero. “Por exemplo, na nosa provincia, que os veciños e veciñas de Cervantes poidan chegar á capital, a Lugo, cuns horarios que lles permitan acudir ao hospital ou facer compras”, dixo.
“O que lle pedimos á Xunta de Galicia é que se sente co Goberno do Estado para aproveitar eses cartos para mellorar os servizos de proximidade, que, como vemos, non están a funcionar”, demandou a secretaria socialista de Transportes.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
