Considera que estes entes son claves para axudar a impulsar proxectos innovadores na busca do equilibrio entre o capital e o uso dos recursos mariños de cada zona
Santiago de Compostela, 17 de decembro de 2024. O conselleiro do Mar, Alfonso Villares, destacou a importancia dos Grupos de Acción Local (GALP) como elementos para fomentar unha economía azul nas zonas costeiras no marco do Fondo Europeo Marítimo, de Pesca e Acuicultura (Fempa). O responsable autonómico, acompañado pola directora xeral de Desenvolvemento Pesqueiro, puxo en valor a funcionalidade destes entes de cara a axudar a impulsar proxectos innovadores na busca do equilibrio entre o capital e os recursos dunha zona e os intereses colectivos que representan, co fin de establecer decisións coordinadas respecto do uso dos recursos mariños.
Por este motivo, a Consellería que dirixe Villares organizou a xornada As estratexias de desenvolvemento local participativo promotora da Economía Azul. Trátase, segundo remarcou o titular de Mar, dun foro no que poñer en común o traballo que se está a realizar neste senso e que permitiu materializalo en proxectos moi vinculados ao territorio. Un espazo, en definitiva, para coñecer proxectos transformadores que impulsan a sostibilidade e o desenvolvemento local, e que dá visibilidade e identifica novas oportunidades nos diferentes sectores que permitan conxugar a sustentabilidade marítimo-pesqueira e o crecemento económico.
Este encontro enmárcase na Estratexia da Economía Azul de Galicia aprobada pola Xunta como elemento imprescindible para a súa planificación, dadas as condicións xeográficas e a importancia histórica, económica e sociocultural do litoral galego. Un documento que reflexa a importancia dos sectores como a pesca, a transformación, o sistema portuario ou o turismo costeiro como motores fundamentais de crecemento económico. E que mostra como a comunidade está moi ben situada para liderar áreas innovadoras, o que pode diversificar a súa economía e xerar novas oportunidades de emprego.
Deste xeito, a EAG permitirá impulsar novas oportunidades económicas e colaborativas ao tempo que axuda a protexer os ecosistemas mariños, garantindo recursos para as xeracións futuras, sobre tres obxectivos principais: integrar as actividades que a conforman mediante conectores de innovación, situar os sectores emerxentes como referentes internacionais e garantir a sostibilidade e a circularidade da pesca, o marisqueo e a acuicultura, como actividades núcleo.
Máis de 20M€ en 2025
Os oito Galps engloban a máis de 400 organizacións locais en representación dos sectores económicos, sociais e públicos. Destas, preto dun cento pertencen ao sector pesqueiro representando a máis de 13.000 profesionais do mar. Precisamente, e dada a súa vinculación co territorio, nos Orzamentos de 2025 a Consellería realiza unha clara aposta polo seu impulso e contempla unha partida de máis de 20 millóns de euros para o desenvolvemento destes entes.
Desenvolvemento da xornada
O foro incluíu unha mesa redonda sobre o papel dos Grupos de Acción Local como motores da economía azul, coa participación dos xerentes dos GALP Mariña-Ortegal, Golfo Ártabro-Norte, Costa da Morte e Costa Sostible. Tamén se presentaron distintos proxectos inspiradores. Foi o caso de Mobiliario de formigón reciclado producido con cáscara de mexillón, do Golfo Ártabro Sur; Bitácora. Medidas para a posta en valor do patrimonio pesqueiro e fortalecemento da identidade da Ría de Arousa, do Grupo desta zona de pontevedresa; e Equipamento para o acondicionamento dos bancos de marisqueo e mellora da biodiversidade, do GALP Ría de Pontevedra.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
