Lugo, 10 de abril de 2025. A historiada e investigadora Alba Díaz Geada presentou esta tarde no Salón de Actos do Pazo de San Marcos o libro “Mudar en común: Galiza 1959-1982. Unha análise socio <histórica dos cambios no rural galego”, editada polo Servizo de Publicacións da Vicepresidencia da Deputación de Lugo.
O volume recolle a tese da autora, doutora en Historia Contemporánea pola Universidade de Santiago de Compostela, que analiza a transformación estrutural da sociedade rural galega nesas décadas “desde a historia”, atendendo prioritariamente, “á intervención dos suxeitos históricos, dos labregos e das labregas, das comunidades rurais, no proceso da súa propia metamorfose” e conclúe que a chave da mudanza, que entende como a “máis fonda da nosa historia contemporánea”, “non estivo só na maneira en que os procesos que deron nela lles afectaron ás comunidades labregas que os viviorn, senón maís que iso, na maneira en que afectaron á súa reprodución”. A investigación realízase arredor de fontes escritas e orais (máis dun cento de entrevistas) da comarca da Mariña, fundamentalmente.
O acto contou, ademais da autora, coas intervencións do responsable do Servizo de Publicacións da Vicepresidencia da Deputación de Lugo Brais García e da deputada de Cultura Iria Castro que valorou o “interese de divulgar e achegar á cidadanía o coñecemento e a investigación académica, o propósito da publicación deste libro”.
Alba Díaz Geada
Alba Díaz Geada é doutora en Historia Contemporánea pola Universidade de Santiago de Compostela. Foi investigadora posdoutroal no Laboratoire dÉtudes Rural (Université Lumière Lyon II) e no Program in Agrarian Studies (Yale University). Investigadora Principal do Proxecto “comunidad, conflicto y revuelta en la Galiza rural del siglo XX” (COREGAL), ten investigado sobre o sindicalismo labrego e sobre as transformacións da sociedade rural contemporánea na Galiza. Actualmente é Investigadora Ramón y Cajal na Facultade de Humanidades do Campus de Lugo, da Universidade de Santiago de Compostela.
Servizo de Publicacións
O Servizo de Publicacións da Vicepresidencia da Deputación de Lugo ten como finalidade a edición de obras que aborden temáticas específicas referidas a diferentes aspectos da realidade da provincia de Lugo e das súas comarcas e concellos, prestando especial atención a aquelas materias que contribúan a dar a coñecer os nosos valores culturais e patrimoniais máis xenuínos.
Como editora institucional tratamos de cubrir un espectro editorial que chegue a eidos raramente asumidos por outros sectores editoriais. As nosas publicacións céntranse en temas de interese provincial que pasan esencialmente pola historia, a xeografía, a etnografía, a arte, os estudos literarios, a arqueoloxía, o turismo, o patrimonio cultural material e inmaterial e a divulgación das actividades e estudos xerados polos centros culturais propios: museos e coleccións dependentes da Deputación (Rede Museística Provincial, Centro de Artesanía e Deseño…).
“Mudar en común. Galiza 1959-1982. Unha análise sociohistórica dos cambios no rural galego”, de Alba Geada é parte da colección Gubia, dedicada á edición de traballos de investigadoras e investigadores. A edición e distribución destas publicacións facilita que ese coñecemento chegue á cidadanía, e incida na percepción sobre a importancia da investigación e da preservación do patrimonio e da cultura.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
