Antonio Ameijide defende que a Deputación ten que iniciar de inmediato a posta a punto das principais zonas turísticas da provincia de cara á campaña de verán con medidas como a posta a punto dos elementos patrimoniais e naturais da Deputación, así como o mantemento e arranxo das estradas provinciais, desbroce das marxes das estradas priorizando aquelas con maior volume de tráfico e as que dan acceso a puntos de interese turístico
Lugo, 30 de abril de 2025. Os deputados do Grupo Provincial Popular esixen a PSOE e BNG que “cumpran” cos seus cometidos e inicien de inmediato o desbroce das estradas provinciais, especialmente daquelas que dan acceso a praias e zonas de interese turístico, para que “non ocorra como o ano pasado que en pleno mes de outubro aínda se estaban a realizar desbroces”.
O voceiro provincial popular, Antonio Ameijide, recorda casos como o de Pantón que en outubro aínda tiña as estradas provinciais sen limpar de maleza. Neste senso, pide “máis humildade” a Tomé que durante o pleno de onte asegurou que “coma sempre os desbroces están previstos” ao que engadiu “non sei que ten mal a Deputación”.
Antonio Ameijide explica que “o verán pasado os desbroces ás estradas provinciais chegaron mal e tarde” recordando como nas estradas que dan acceso ás praias da Mariña comezaron a realizarse coa temporada xa iniciada e os turistas nos areais, mentres que en zonas de Ribeira Sacra non se limpou a maleza “ata unha vez rematada a campaña de verán”.
A realidade é que o turismo é un dos motores económicos da provincia e co inicio da temporada alta é previsible que aumente o volume de visitantes aos distintos puntos de interese turístico da provincia como, por exemplo, as praias da Mariña ou a Ribeira Sacra, entre outros, polo que “é fundamental garantir o acceso a estes recursos en condicións de seguridade non só para o impulso do sector, senón tamén para tódolos usuarios das vías da rede provincial nos distintos municipios da provincial”.
Por este motivo, os deputados populares defenden que a Deputación de Lugo ten que iniciar de inmediato un plan de posta a punto das principais zonas turísticas nos distintos municipios da provincia de cara á campaña de verán que inclúa, entre outras medidas, a posta a punto dos elementos patrimoniais e naturais da Deputación Provincial de Lugo, así como tarefas de mantemento e arranxo das estradas provinciais, labores de desbroce das marxes de tódalas estradas da provincia priorizando aquelas con maior volume de tráfico e as que dan acceso a puntos de interese turístico.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
