Ambas entidades rubrican, un ano máis, a súa colaboración e ofrecen solucións a medida para o colectivo co obxectivo de dinamizar a economía da zona
Mondoñedo, 30 de abril, 2025. ABANCA e o Grupo de Desenvolvemento Rural (GDR) Asociación Terras de Miranda veñen de renovar, un ano máis, o acordo de colaboración que manteñen co obxectivo de impulsar a economía da zona a través de solucións de financiamento para o día a día das empresas que conforman o grupo e para a creación de emprego e autoemprego.
O acordo foi asinado hoxe en Mondoñedo, polo director de zona de ABANCA na Mariña – Terra Chá, José Ángel Méndez, e o presidente do Grupo de Desenvolvemento Rural (GDR) Terras de Miranda, Vidal Martínez-Sierra. O encontro serviu tamén como foco de conversación entre ambas partes, polo que os dous representantes aproveitaron para poñer sobre a mesa os retos actuais aos que se enfrontan os diferentes sectores económicos que conforman o grupo e acordaron manter un contacto fluído para abordar posibles retos e necesidades do futuro.
No convenio recóllense diferentes solucións especializadas e deseñadas a medida para o GDR, como os préstamos, liñas de crédito, avais, desconto comercial, confirming, anticipo de subvencións ou o pagamento de impostos. Así mesmo, os proxectos do sector agrogandeiro poderán acceder á liña de financiamento Agro Multidestino, un produto exclusivo de ABANCA que unifica nun só contrato o financiamento máis habitual de circulante co conseguinte aforro de custos. Todo isto sen esquecer a experiencia da rede comercial máis extensa no ámbito territorial do GDR.
As persoas que conforman o GDR terán acceso tamén ao Programa Servizos ABANCA, que permite aforrar no pagamento dos servizos bancarios máis habituais. Ademais, a entidade financeira conta con xestores e xestoras especializadas en materia de seguros ou banca electrónica, entre outros, para as persoas interesadas. Desde as oficinas de ABANCA facilitarase tamén toda a información relativa ás opcións de financiamento dispoñibles a través dos convenios oficiais que o banco subscribe con diversos organismos públicos.
O documento fai especial fincapé no plan ‘ABANCA Emprendedores e Profesionais’, unha solución ideada para complementar a xubilación das persoas traballadoras autónomas. Trátase dun plan de pensións de emprego simplificado que permite aos profesionais por conta propia xerar un maior aforro que os tradicionais plans individuais.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
