Olalla Rodil: “As actuacións xudiciais iniciadas pola Xunta o único que van facer é dilatar a recuperación da Torre”
Lugo, 19 de maio de 2025. A deputada autonómica Olalla Rodil lamenta que a Xunta de Galiza xudicialice o procedemento de incorporación ao patrimonio público da Torre de Caldaloba iniciado pola vicepresidencia da Deputación de Lugo, área de Cultura, en 2022 e retrase unha vez máis a protección e valorización desta fortificación.
Diante da demanda xudicial presentada pola Xunta, dende o Grupo parlamentario do BNG levaremos ao Parlamento iniciativas para reclamarlle ao goberno galego, do Partido Popular, que sente a dialogar coa Vicepresidencia da Deputación de Lugo.
“As actuacións xudiciais iniciadas pola Xunta de Galiza, que se abstivo de dialogar administrativamente, só van dilatar máis as urxentes medidas de consolidación e recuperación da Torre de Caldaloba” expón a deputada nacionalista, que motivaron a compra do ben por parte da Deputación. Sería inadmisible que o único obxectivo do goberno galego fose non deixar facer a outra administración unicamente por non ser da mesma cor política.
Nunha visita realizada á Torre, acompañada pola deputada provincial de Cultura, Iria Castro, e veciñanza de Cospeito, “puidemos comprobar de primeira man a necesidade urxente de que se tomen medidas para consolidala, rehabilitala e adaptar o espazo para que poida ser visitado” explica Olalla Rodil
É sorprendente que ao longo de máis de dous anos desde a adquisición por parte da Deputación dunha parte de Caldaloba o Goberno galego non se reunise co executivo provincial, malia as solicitudes formuladas polas persoas responsábeis en materia cultural, para abordar nunha reunión conxunta a titularidade da Torre e sobre todo o proxecto de consolidación, restauración e posta en valor deste importante ben patrimonial. Máis ao contrario.
De feito, esgotou a vía administrativa sen exercer os seus dereitos, razón pola que presentou a demanda xudicial reclamando o retracto da propiedade adquirida pola Deputación e co obxectivo de que lle sexa conferida á Xunta.
A Torre de Caldaloba, ademais de BIC, é o último resto en pé do que noutrora foi unha fortaleza destruída tras as revoltas irmandiñas. Pertenceu ao Mariscal Pardo de Cela. Tras a súa decapitazón, herdárona Dona Constança de Castro e Fernán Ares de Saavedra filla e xenro do Mariscal. Foi o derradeiro reduto da nobreza galega en resistencia na época dos Reis Católicos.
Desde o G.P. do Bloque Nacionalista Galego “levamos anos reclamándolle á Xunta de Galiza actuacións urxentes para impedir a degradación deste ben, o seu progresivo deterioro e sobre todo a súa posta en valor e divulgación. Nestas demandas sempre nos atopamos co non do Partido Popular que, sen ir máis lonxe, rexeitaba actuar en outubro de 2017 votando en contra da proposta do BNG no Parlamento galego”concúe Rodil
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
