Lugo, 19 de maio de 2025. Ante as declaracións do Partido Popular sobre o cobro dunha intervención de emerxencia realizada en Santa María Maior (Mondoñedo), a Deputación de Lugo desexa facer as seguintes aclaracións:
1. O servizo de bombeiros é xestionado polo Consorcio Provincial, non pola Deputación
O cobro do servizo non é unha decisión da Deputación de Lugo, senón unha práctica ordinaria do Consorcio Provincial Contra Incendios e Salvamento de Lugo, entidade compartida ao 50% coa Xunta de Galicia. Este cobro responde aos custes dun servizo prestado nunha propiedade privada, segundo ordenanzas aprobadas e vixentes, non é un acto político nin excepcional.
2. A Deputación non é responsable da inundación, senón parte damnificada
As causas da inundación poden estar vinculadas a obras da Xunta de Galicia de drenaxe na súa estrada autonómica e á construción dun parque eólico que modificou os caudais naturais de auga, canalizándoos cara ao núcleo de Santa María Maior. A rede de drenaxe da Deputación foi superada por un caudal que non lle corresponde asumir nin está deseñado para iso, e a súa propia infraestrutura resultou danada, polo que a institución é tamén afectada, non causante.
3. A Deputación disposta a colaborar, pese a non ser a súa competencia
Dende hai case unha década, a Deputación amosouse disposta a colaborar a pesar de que non era a súa competencia, porque a primeira rotura produciuse fóra do dominio público da vía provincial, no tramo anterior ao paso baixo dunha vivenda onde presumiblemente puido haber algunha instalación que precisase de recursos hídricos.
O Concello de Mondoñedo e Augas de Galicia están ao tanto desta problemática desde hai anos, porque a Deputación leva advertindo da situación e realizáronse varias visitas conxuntas para atopar a solución ao problema. A situación non é nova, e non pode ser tratada como unha sorpresa por quen a coñece ben e tivo nas súas mans a capacidade de actuar durante anos, porque este é un cauce competencia de Augas de Galicia.
A Deputación de Lugo quere deixar claro que a información difundida polo PP de Lugo é unha manipulación e unha mentira. Os veciños e veciñas de Mondoñedo merecen responsabilidade, coordinación e solucións reais. Non merecen que se lles engane nin que se utilicen os seus problemas para facer política.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
