Alfoz e O Valadouro, 18 de xuño do 2025. Os Concellos de Alfoz e O Valadouro organizan o vindeiro 27 de xuño unha excursión dirixida a nenos e nenas de entre 6 e 12 anos ao coñecido Labirinto de Rinlo, un espazo único de lecer que ofrece unha experiencia divertida e diferente, en contacto coa natureza.
Esta actividade nace coa vontade de promover alternativas de ocio educativo e fomentar a convivencia entre a rapazada dos dous municipios. Contará cun total de 50 prazas dispoñibles, repartidas inicialmente a partes iguais entre ambos Concellos (25 prazas para cada un), aínda que, no caso de que un dos Concellos non esgote as súas prazas, poderán ser cedidas ao outro ata completar o total.
As familias interesadas poderán inscribir aos seus fillos e fillas ata o 23 de xuño, tanto nas Oficinas Municipais como a través da Sede Electrónica de cada Concello. Terán preferencia na asignación das prazas as persoas empadroadas ou escolarizadas en Alfoz ou O Valadouro, seguindo a orde de inscrición.
A saída está prevista para as 15:00 h desde o CEIP de Alfoz e ás 15:10 h desde o CEIP de O Valadouro, e o regreso será arredor das 20:00 h. Durante toda a xornada, os nenos e nenas estarán acompañados por persoal monitor e municipal, garantindo así a súa seguridade e benestar.
Recoméndase que os participantes leven roupa cómoda, auga e unha pequena merenda, para desfrutar ao máximo da actividade.
Para máis información, as persoas interesadas poden consultar as bases e as redes sociais dos Concellos de Alfoz e O Valadouro.
O venres descubrirase a placa que oficializa o nomeamento da Biblioteca Municipal co seu nome, dentro da iniciativa “Miradas sobre Agustín 2026-2027”, que busca divulgar o legado do escritor e apoiar a súa candidatura ás Letras Galegas de 2028. O programa inclúe unha exposición, a lectura dun manifesto e unha conferencia. O sábado entregarase no Auditorio o IX Premio Agustín Fernández Paz de narrativa infantil e xuvenil pola Igualdade. Rouco destacou a importancia de visibilizar a figura do autor e convidou a veciñanza a participar nos actos.
As nenas e nenos coñeceron o proceso de moenda e levaron unha mostra de fariña. García destacou a importancia de achegar a realidade do rural á infancia e agradeceu a colaboración das granxas, ANPAS e centros educativos. O Muíño de Coea é unha das novas incorporacións a un programa que este ano inclúe 210 actividades e chega a máis de 6.000 escolares de 74 centros da provincia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
