Na xornada do sábado daranse cita a Asociación Cultural Coros y Danzas Virgen del Socorro (Tíjola, Almería), Agrupación Folklórica Chemida (Las Palmas de Gran Canaria), e Grupo Folklórico Mistura de Lieiro, como peche de ouro do festival e grupo anfitrión
Cervo, 17 de xullo de 2025. Cervo acollerá os días 19 e 20 de xullo o Festival Folklórico e Infantil da man da asociación Mistura.
O Concello de Cervo será así escenario dunha dobre cita co folclore tradicional galego e español este mes de xullo, coa celebración deste evento que enchera de arte a Praza dos Campos de San Cibrao este verán.
A programación comezará o sábado 19 de xullo ás 20:00 horas, co Festival Folklórico, que reunirá agrupacións de distintas partes de España para ofrecer un espectáculo de música e danza tradicional que promete encher de cor e ambiente a vila de San Cibrao.
Participarán:
Asociación Cultural Coros y Danzas Virgen del Socorro (Tíjola, Almería)
Agrupación Folklórica Chemida (Las Palmas de Gran Canaria)
Grupo Folklórico Mistura de Lieiro, como anfitrión
Ao día seguinte, o domingo 20 de xullo ás 19:00 horas, terá lugar o Festival Folklórico Infantil, centrado na promoción das novas xeracións e no relevo xeracional no mundo do folclore. Actuarán grupos infantís de distintas localidades da Mariña:
Arco da Vella (San Miguel de Reinante)
A.C. Osorio Gutiérrez (Lourenzá)
Mistura de Lieiro (Lieiro)
Os dous festivais están organizados polo Grupo Folklórico Mistura en colaboración co Concello de Cervo.
O evento foi presentado pola tenente de alcaldesa, Mali Méndez, e polo concelleiro Alfredo Fernández, en compañía de varios membros da asociación Mistura.
Desde o Concello queren agradecer o esforzo da asociación e dos colectivos participantes, subliñando a importancia deste tipo de eventos, “todo un orgullo para nós acoller iniciativas coma esta, que poñen en valor a nosa cultura e tradicións, ao tempo que dinamizan a vida social e económica do noso concello. Estes festivais enchen de vida as rúas de San Ciprián, crean encontro, e son unha oportunidade para que veciños e visitantes poidan gozar e coñecer distintas expresións do folclore tanto galego como doutras partes de España”.
Convidan a toda a veciñanza e visitantes a achegarse a San Ciprián estas datas para gozar dun ambiente festivo, familiar e cheo de tradición, reforzando así o compromiso de Cervo coa cultura e coa promoción do seu patrimonio.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
