Nota de prensa:
O BURELA FSF DEFENDE A SEXTA PRAZA EN DUELO DIRECTO ANTE O FEMESALA ELCHE
O Burela FSF Pescados Rubén defenderá mañá a súa actual sexta praza en duelo directo ante o Femesala Elche. A cita de Vista Alegre arrancará, coma de costume, ás 18.30 horas.
O cadro mariñán intentará aproveitar a dinámica positiva e facer valer o factor cancha na undécima xornada, nun encontro moi complicado. O punto que separa as laranxas (17) das valencianas (16) contribuirá cunha dose extra de rivalidade.
Aínda que as sobrecargas de boa parte do vestiario burelista dificultaron os adestramentos, o equipo mariñán intentará finalizar a súa preparación nas mellores condicións cara á cita da bomboneira. As pupilas de Javier Pardeiro medirán as súas forzas cun equipo dos valentes, fiel ao sistema de catro, que destaca pola mobilidade das xogadoras e unha defensa adiantada con moita presión.
O histórico Femesala recalará en Burela coa importante ausencia de Txitxo, por sanción. O bo comezo das valencianas caeu ferido de gravidade nas xornadas sexta e sétima ante os de arriba, os intratables Móstoles e Ponte Ourense, aos que a escuadra de Maravillas Sansano tivo contra as cordas ata o final pero sen poder superalos (0-1 e 6-5). Tras estes resultados, o Elche puido recuperarse feblemente co Rioja (3-1), pero volveron os marcadores en contra; agora mesmo encadea as derrotas do Zaragoza (8-3) e Valladolid (2-3).
Torneo Mundial Feminino
A meta do Burela FSF Jozi de Oliveira perderá esta xornada polas obrigas coa Selección Brasileira e o I Torneo Mundial de Fútbol Sala Feminino (Madrid, 6-11 decembro).
A xogadora, concentrada dende hoxe co seu combinado na rexión de Fortaleza, asumirá a súa sétima cita coa camisola ‘canarinha’ coma se fora a primeira convocatoria. “Vou coa mesma ilusión que en 2005, aínda que espero ter a tranquilidade da experiencia; neste tempo a selección cambiou moito, pero para min son todas as compañeiras coñecidas, ben do meu anterior equipo, o Kinderman, ben como rivais”. Jozi afronta esta nova chamada cun extra de motivación polas expectativas depositadas na cita internacional: “Este primeiro mundial é un paso moi importante de cara ao Campionato do Mundo oficial da FIFA; os profesionais do fútbol sala esperamos que este tipo de iniciativas creen os cimentos para que algún día se recoñeza como deporte olímpico”.
A gardameta laranxa deixou Burela cunha aposta clara para a final. “Coma a maioría das quinielas, eu aposto por unha final España-Brasil, cun encontro moi igualado onde a diferenza seguramente estea no aspecto psicolóxico. Para nós é un gran reto porque temos ao combinado español como referencia”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
