Foz, 25 de outubro de 2025. O Concello de Foz pon en valor os proxectos do Estado deste mes de outubro para afrontar os danos producidos polo temporal de marzo do ano 2024 na costa do municipio.
O día 14 deste mes o Administrador de Infraestruturas Ferroviarias (ADIF) adxudicou á UTE Miv 2021 Lote 1(Contratas y Servicios Ferroviarios, COPASA, COMSA, Ferrovial y TECSA), unión temporal de empresas encargada do mantemento da infraestrutura e vía da liña de ancho métrico, a redacción de proxecto e execución de obra de tratamento polo desprendemento do talud da plataforma ferroviaria na praia de Arealonga, por un importe de 1.280.953,57 euros.
O alcalde de Foz, Fran Cajoto, destaca que é “unha obra moi importante para consolidar e garantir a integridade da vía na praia de Arelonga, despois dos derrubes na costa provocados polo temporal de marzo do ano 2024. A finais dese mes ADIF xa realizara sondaxes do terreo para ver a consistencia do mesmo e en outubro do mesmo ano, a petición do Concello de Foz, mantivemos unha reunión dirixida polo Delegado do Goberno, Pedro Blanco, na que estaban presentes tamén a anterior subdelegada, o xerente de ADIF de Ourense e Noroeste e o xefe provincial de Costas, ademais da concelleira Ana Rojo. Estoulle moi agradecido ao Delegado do Goberno por impulsar esta obra que nos transmite tranquilidade e que vai a servir para garantir a integridade da vía”.
Ademais este martes, día 21 de outubro, publicouse no Boletín Oficial do Estado o proxecto de retranqueo dos paseos de Cangas de Foz e praia de Arealonga (zona Fazouro) Fase 1. Esta primeira fase correspóndese coa humanización e posta en valor do trazado actual da senda por un importe de 300.965,59 euros. “Os temporais de marzo de 2024 afectaron ao paseo de Arealonga, que está derruído a carón do acceso do Castro de Fazouro. O trazado actual, que cruza a vía de ferrocarril en dúas ocasións, vaise humanizar para garantir unha maior seguridade ante os vehículos e unha mellor integración cun entorno de gran valor paisaxístico e patrimonial. Segundo nos trasladan desde o Goberno, en próximas semanas vaise publicar no BOE tamén a fase 2, que é para nós a máis importante: a restitución do paseo no entorno da cala de San Pedro de Cangas mediante un retranqueo do mesmo, actuación para a cal o Concello debe adquirir os terreos. Esta segunda fase, que conta cun orzamento de obra de 272.517,52 euros, vai eliminar os riscos de atropelo que sofren tódolos días os peóns que se teñen que desviar polo arcén da estrada N-642 polo corte no paseo marítimo”, remata o alcalde de Foz.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
