A Mariña, venres 14 de novembro 2025. O BNG vén de facer públicas as emendas que desde as distintas localidades formularon ao proxecto de orzamentos da Xunta para 2026. Para os nacionalistas, a proposta da Xunta no que tén que ver coa Mariña é maís do mesmo de anos anteriores, donde os investimentos concretos nos concellos pouco pasan dos 18 millóns de euros, a todas luces insuficientes para as necesidades dos municipios mariñaos, que cada vez están asumindo máis competencias impropias coma no resto do país. As emendas do BNG ascenden ao montante do do doble desa cantidade. “Estes orzamentos son un non á Mariña por parte do Partido Popular, e fronte a eso nós decimos que A Mariña merece máis¡” afirmou o deputado mariñao Daniel Castro.
Vivenda, solo industrial e emprego
En materia de vivenda, formulan a recompra de inmobles baleiros para vivenda pública en Foz, donde consideran necesario o incremento do patrimonio público de vivenda, nun concello afectado polo altísimo incremento do prezo da mesma tanto de aluguer coma de compra, máxime nunha comarca donde proliferan as vivendas de uso turístico. Tamén proponen a construcción de vivendas de promoción pública no Valadouro, donde o concello dispón xa de terreos ao efecto. Solicitan tamén que se execute xa o programa REXURBE en Mondoñedo, xa que se están incumprindo reidteradamente os prazos dados pola propia concellería.
Tal como se demanda desde o sector empresarial é necesario máis solo industrial para crear emprego e inversión, por eso desde o BNG demandan poñer a disposición das empresas solo industrial para xerar postos de traballo e crear riqueza que potencien e dinamicen a economía mariñá. E neste sentido, demandan solo industrial para Barreiros, A Pontenova, Muras e O Valadouro. Vinculado con estas propostas, demandan tamén un Plan de Emprego para A Mariña que desde hai anos sofre a desaparición de varias empresas.
Sanidade, infraestruturas e ciclo integral da auga
En materia de sanidade, e xa a nivel galego, o BNG propón uns importantes investimentos para reverter a situación na atención primaria e apostar por un novo modelo. Demandan a recuperación do 2º técnico de emerxencias sanitarias para a ambulancia medicalizada (SVA) con base en Foz que dá servizo a toda a comarca, e que foi suprimido polo Partido Popular no 2019. Demandan tamén a creación dunha praza de enfermeirx especialista en obstetricia-xincoloxía en Foz, así como unha praza de nutricionista no seu centro de saúde.
A respecto do ciclo integral da auga proponse financiamento para a EDAR de Barreiros, o saneamento da parroquia de Suegos, no concello de O Vicedo, a mellora da rede de abastecemento de auga e a modernización da ETAP de Viveiro, a mellora da rede de abastecemento de auga no concello de Xove. Tamén se propón a limpeza e drenaxe do embalse do Río Baos en Lourenzá para garantir a captación de auga para consumo en condicións óptimas.
Nas infraestruturas destaca a emenda relativa á VAP Costa Norte San Cibrao-Ferrol, para axilizar a súa construcción, dado que os 4 M€ que a Xunta contempla todos os anos ademáis de ser insuficientes, nunca se executan. Demandan tamén a reparación integral, ampliación e mellora da estrada LU-161 (Viveiro, Ourol, O Valadouro).
Educación
En canto a infraestruturas educativas, demandan para Burela obras de cuberta e peche das pistas polideportivas do CEIP Vista Alegre e do IES O Perdouro, a mellora de accesibilidade no CEIP Os Castros e no IES O Perdouro, a mellora na eficiencia enerxética en todos os centros, e obras de reforma estrutural no IES O Perdouro, e reparación do valado exterior.
Demandan tamén a creación de oferta formativa no IES de Foz (especialmente vinculada ao eido da hostelería/turismo) e proponse reformular o estrepitoso fracaso do programa “Retorna Talento”, creando un ciclo atractivo no IES.
Creación dun terceiro xulgado no partido xudicial de Viveiro
Os xulgados de Viveiro están entre os máis saturados de Galiza e superan nun 200% a carga de traballo, provocando retrasos co conseguinte perxuizo para os maís de 45.000 mariñaos e mariñás de Ourol, O Vicedo, Viveiro, Xove, Cervo, Burela e Foz, polo que a creación dun terceiro xulgado está máis que xustificada.
Outras emendas
Completan este documento de 28 emendas, a proposta de remate da senda peonil Alfoz- O Valadouro, a recuperación e rexeneración medioambiental e posta en valor do Río Masma, ao seu paso polos concellos de Barreiros e Foz, e a construcción dun paseo fluvial no Río Baos en Lourenzá. Demandan tamén unha partida para obras de adecuación e rehabilitación no Centro de Día de Lourenzá.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
