A Mariña, 14 de novembro de 2025. Éxito de convocatoria da Mancomunidade de Concellos da Mariña Lucense na Feria Internacional de Turismo de Interior, INTUR, que se celebra en Valladolid. A entidade, conformada por 16 concellos, participa na 28ª edición, que arrancaba este xoves e rematará o vindeiro domingo, 16 de novembro, e na que se dan cita máis dun milleiro de empresas do sector turístico.
A Mancomunidade acude a INTUR, onde conta cun amplo stand ubicado no Pavillón 2. Valladolid é un destino estratéxico cun público obxectivo de alto atractivo para a comarca, ao igual que, en xeral, o noroeste de Castela e León.
Decenas de visitantes e axentes turísticos están a achegarse ao stand da Mancomunidade para se interesar polos moitos atractivos da Mariña como destino para vindeiras escapadas e vacacións mostrando un especial interese polo turismo ornitolóxico, o xeoturismo, e mesmo polo patrimonio cultural e natural. Estes visitantes amosan a súa sorpresa ante a diversidade que ofrece o territorio e expresan a súa intención de coñecelo de contado.
A presidenta da Mancomunidade, Rocío López, xunto coa xerente e o equipo técnico do Plan de Sostibilidade Turística na Mariña, asisten en representación do destino para favorecer a activación de novas canles de promoción e comercialización mantendo encontros con distintos representantes institucionais e axentes do sector. No marco de INTUR Negocios, celebrado na pasada xornada, o equipo técnico da Mancomunidade mantivo contacto directo con axencias de intermediación turística, con profesionais e provedores de servizos aos que presentaron os activos desta zona de Galicia, ademais de intercambiar información sobre servizos e produtos de potencial interese para o xeodestino.
No marco desta feira, a Mancomunidade busca captar a mercados de interese para o destino promovendo estadías principalmente fóra de temporada e vinculadas a súa enorme riqueza cultural e natural, dúas das principais bazas turísticas da Mariña. Así mesmo, a entidade comparte as múltiples posibilidades que ofrecen os seus municipios para o turismo activo, de natureza, aventura e deportivo, sen deixar de lado a gastronomía ou a artesanía, outros dos seus piares básicos.
A Mancomunidade de Concellos da Mariña tamén defende en INTUR un modelo de turismo integrador, responsable e sostible, onde os visitantes poidan gozar de todos os seus activos turísticos, sempre respectando os recursos dispoñibles.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
