Alumnado do IES Basanta Silva participou na iniciativa “Cambia de Bando”, que permitirá analizar as actitudes e crenzas machistas e impulsar novas accións de sensibilización entre a mocidade
Vilalba, 24 de novembro de 2025. A alcaldesa de Vilalba, Marta Rouco, estivo presente esta mañá no IES Santiago Basanta Silva durante a participación do alumnado de 3º da ESO no proxecto “Cambia de Bando”, unha iniciativa impulsada pola Federación Galega de Municipios e Provincias (FEGAMP) co obxectivo de promover a igualdade e combater as actitudes e crenzas machistas entre a mocidade galega.
Durante a presentación da actividade, a rexedora destacou que “este tipo de iniciativas son fundamentais para abrir os ollos, detectar crenzas que ás veces están normalizadas e dar á mocidade ferramentas para identificar e rexeitar comportamentos machistas”.
O alumnado realizou o test interactivo “Canto machismo tes?”, composto por oito preguntas con catro respostas posibles en cada unha delas. Ao responder, cada estudante recibiu un feedback inmediato sobre o grao de machismo ou igualdade que reflectía a súa elección.
Os resultados obtidos na aula amosan que o 61,1% do alumnado participante ten unha conciencia en proceso, que camiña cara a un pensamento igualitario, mentres que o 38,9% mantén aínda crenzas machistas arraigadas, o que pon de manifesto a necesidade de continuar traballando neste ámbito.
Neste sentido, a alcaldesa subliñou que “os datos que saíron desta actividade son moi valiosos porque demostran que queda traballo por facer, pero tamén que hai unha xeración que está a camiñar con paso firme cara a unha sociedade máis igualitaria”.
Vilalba convértese así no sétimo concello de Galicia en participar no proxecto. As respostas dos estudantes pasarán a formar parte dunha mostra global a partir da cal a FEGAMP elaborará un estudo sobre actitudes machistas na mocidade galega que permitirá deseñar novas accións de sensibilización baseadas en datos reais.
Tras a realización do test, o alumnado participou nunha sesión de sensibilización en igualdade impartida pola axente municipal do Concello de Vilalba. Durante a actividade analizáronse en grupo os resultados do test e desmontáronse estereotipos e crenzas presentes en moitas das respostas, como parte da programación municipal do 25N.
A alcaldesa concluíu que “desde o Concello continuaremos apostando por programas que permitan educar e sensibilizar porque a loita contra a violencia machista non se pode limitar a un día: é unha responsabilidade de todo o ano”.
O test permanece aberto ao conxunto da cidadanía na páxina web do proxecto, onde tamén poden consultarse os resultados acumulados ata o momento.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
