A conselleira do Mar clausurou as XXIX Xornadas Técnicas de Difusión do Sector Pesqueiro
Viveiro, 29 de novembro de 2025. A conselleira do Mar, Marta Villaverde, puxo en valor na clausura das XXIX Xornadas Técnicas de Difusión do Sector Pesqueiro, que estes días se celebraron en Celeiro, a necesidade de que a nova Política Pesqueira Común (PPC) sitúe ás rexións e aos axentes socioeconómicos do sector ¨no centro¨ para evitar decisións descentralizadas e focalizadas só no eixo ambiental, e evitar así poñer en risco a actividade marítimo-pesqueira. Trátase, segundo advertiu, de “que se conte coas rexións nas decisións relativas á pesca no marco da Unión Europea” e de garantir a sostibilidade dos recursos sen comprometer o futuro económico, social e laboral das comunidades costeiras.
Precisamente, esta é unha das prioridades que está a defender Galicia e que é o resultado “do diálogo fluído coa cadea mar-industria e co alto comisionado de pesca europeo”. Unha posición que é decisiva para dar resposta, en paralelo, aos novos retos que afronta o sector, como son a remuda xeracional, a reformulación da obriga de desembarque, a descarbonización ou a renovación da frota, e que así se recolle, por exemplo, no Decálogo Estratéxico de Galicia na defensa dos seus intereses.
Artes de fondo
En palabras da conselleira, a PPC tamén ten que basear a xestión pesqueira na disposición do mellor coñecemento científico dispoñible para evitar decisións como a que afecta ao veto ás artes de fondo nas 87 zonas do Atlántico nororiental, interpretada pola Xunta e o sector “como unha decisión arbitraria, tomada sen aval científico e se análise do impacto socioeconómico sobre a frota europea”. Esta determinación provocou a reacción da Administración autonómica, primeiro, sendo parte coadxuvante en apoio ás demandas presentadas pola OPP-7 de Burela e as 16 compañías armadoras galegas recorrentes; segundo, participando no recurso de casación logo da decisión do Goberno central de recorrer ambos fallos, na súa condición de demandante privilexiado; e terceiro, coa decisión de seguir avogando por unha ponderación motivada do interese de protección do medio mariño cos intereses dos profesionais do mar. A este respecto, Villaverde subliñou que “desde a Xunta agardamos que a Comisión Europea corrixa a súa postura e levante o veto que afecta ao 25% dunha frota galega que está a perder máis de 216millóns de euros ao ano”.
Fempa
E é que de nada serve repensar a PPC se non se dispón dun Marco Financieiro Plurianual específico que dea resposta ás demandas do sector. Neste senso, a titular de Mar reiterou o rexeitamento da Administración autonómicas á proposta da CE que inclúe un recorte orzamentario do 67 % dos fondos europeos para a pesca. “É inaceptable que trinta anos despois vexamos comprometido por primeira vez a existencia dun orzamento propio e independente para atender á xente que vive do noso mar”; postulado que, lembrou, “se recolle no Ditame elaborado e aprobado por unanimidade dos membros do Consello Galego de Pesca e que eu mesma lle entreguei a pasada semana ao Comisario en Bruxelas”.
TACs e cotas
Estando a dúas semanas da celebración do Consello Agrifish, no que se deciden os TACs e cotas para o ano 2026, a titular de Mar defendeu que o reparto das posibilidades de pesca deben basearse na recuperación científica dos stocks e no impacto socioeconómico sobre as frotas e as comunidades costeiras. A este respecto, considera necesaria a coordinación entre as rexións, que debe ir acompañada dunha política pesqueira ben financiada e evitar recortes drásticos nos topes de especies clave como a xarda, o lirio ou o abadexo.
Economía Azul
Coa clausura da responsable autonómica, a vixésimo novena edición destas xornadas chegou este sábado ao seu fin. Ao longo destes tres días, destacados responsables da Consellería do Mar participaron en diversos relatorios. Precisamente, o director xeral de Pesca, Acuicultura e Innovación Tecnolóxica, Cándido Rial, abriu o programa de hoxe, e fíxoo disertando sobre a importancia da Economía Azul en Galicia e a acción da Xunta neste senso,. A Xunta aprobou o pasado ano a súa Estratexia propia para o período 2024-2027, que recolle 40 medidas que mobilizarán máis de 144 millóns de euros.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
