O colectivo Aspanane narrou un boletín informativo a través do fío musical das rúas para anunciar as actividades do fin de semana
Viveiro, 4 de decembro de 2025. O Concello de Viveiro puxo en marcha esta mañá a «Onda Inclusiva», unha iniciativa que se hoxe contou cun noticiario accesible no casco histórico. Persoas usuarias de Aspanane elaboraron e narraron un boletín informativo que se emitiu a través do sistema de megafonía cedido pola Asociación do Casco Histórico de Viveiro.
No noticiario anunciáronse as principais actividades culturais e de ocio previstas para esta fin de semana. O fío musical das rúas converteuse nun espazo de comunicación aberto, participativo e inclusivo. Esta actuación busca dar visibilidade ás persoas con discapacidade e favorecer a súa participación activa na vida comunitaria.
A alcaldesa Mariña Gueimunde sinalou que «este noticiario brindou a oportunidade de que as persoas de Aspanane contasen co seu propio espazo comunicativo e para que a cidade escoite novas voces. Queremos un Viveiro onde todas as persoas teñan presenza e onde a inclusión forme parte da vida os 365 días do ano».
A actividade forma parte da «Onda Inclusiva», un programa do Concello de Viveiro que se desenvolverá ao longo do ano con accións de carácter comunicativo, cultural e social. Entre elas atópase a exposición fotográfica «Tan coma ti», realizada en colaboración con Down Lugo e instalada na Biblioteca Municipal, que foi presentada onte.
O Concello de Viveiro continuará ampliando a Onda Inclusiva durante 2025 e 2026 con propostas que reforcen a participación, a accesibilidade e a visibilidade das distintas capacidades presentes na cidade.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
