Viveiro, 10 de decembro, 2025. Adif vén de licitar un investimento de 3,77 millóns de euros para executar obras de mellora da infraestrutura e reparación de desmontes entre os puntos quilométricos 19 e 40 do tramo Ferrol–Viveiro, pertencente á liña de ancho métrico Ferrol–Pravia.
A actuación céntrase no reforzo de 9 trincheiras distribuídas ao longo de máis de 20 quilómetros, co obxectivo de incrementar a seguridade e fiabilidade da circulación ferroviaria.
En que consisten as obras?
Os traballos previstos inclúen:
• Retirada das mallas existentes
• Desbroce e tala de árbores
• Saneo e estabilización dos taludes
• Limpeza e protección das zonas afectadas
• Reposición de mallas e materiais de reforzo
Estas intervencións permitirán reparar, asentar e protexer de forma permanente as áreas en talude situadas xunto á plataforma da vía, especialmente vulnerables ás choivas e a outros fenómenos meteorolóxicos adversos.
Melloras continuadas na liña Ferrol–Pravia
Esta nova licitación súmase a outras actuacións recentes destinadas a reforzar a fiabilidade da rede de ancho métrico en Galicia.
• Máis de 2 millóns de euros investidos en taludes e trincheiras na provincia de Lugo, en puntos como Area Longa (Foz) e o tramo Viveiro–Xove.
• 3,4 millóns de euros adxudicados en xullo para reforzar trincheiras entre Ortigueira e Burela, nun tramo de 55 km entre A Coruña e Lugo.
Compromiso con infraestruturas seguras e sostibles
Estas actuacións forman parte do plan de renovación e mantemento da rede convencional e contribúen ao Obxectivo de Desenvolvemento Sostible (ODS) 9, orientado á creación de infraestruturas fiables, sostibles e de calidade.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
