Trabada, 11 de decembro de 2025. O Concello de Trabada continúa executando actuacións de mellora nos camiños municipais e nos espazos públicos das diferentes parroquias, nun esforzo por garantir infraestruturas en boas condicións e unha atención equilibrada a toda a veciñanza.
Nos últimos días avanzouse na renovación do asfaltado e na limpeza de camiños e cunetas en varias zonas do concello. As actuacións xa se levaron a cabo nas parroquias de Valboa, Vidal, Vilapena e Vilaformán, e os traballos están actualmente en marcha na parroquia de Trabada.
Ademais, nas vindeiras semanas iniciarase a mellora de vías e espazos públicos tamén na parroquia de Sante, así como novos traballos na parroquia de Fórnea, onde xa deu comezo a renovación do parque infantil.
Estas intervencións súmanse ás obras que se están realizando na parroquia da Ría de Abres, onde continúa a construción do novo centro social, consolidando así un período no que se está actuando simultaneamente nas oito parroquias que conforman o municipio.
O alcalde de Trabada, Rubén García, destacou que “nestes momentos estamos a desenvolver actuacións en todas as parroquias do concello, algo que reflicte o noso compromiso cun traballo xusto e equilibrado. O noso obxectivo é atender as necesidades da veciñanza en cada lugar, mellorando camiños, espazos de uso público e infraestruturas básicas”.
García subliñou ademais que “continuaremos nesta liña, planificando e executando melloras de maneira continua, porque entendemos que o mantemento dos camiños e dos servizos públicos é fundamental para garantir a calidade de vida en todas as parroquias de Trabada”.
Con estas actuacións, o Concello reforza o seu compromiso de avanzar no mantemento e modernización das infraestruturas municipais, actuando con criterios de proximidade, equilibrio territorial e atención ás demandas da cidadanía.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
