A Mariña, 21 de xaneiro, 2026. O centro de saúde de Barreiros foi o escenario elixido pola Plataforma Sanitaria da Mariña para presentar ante os medios de comunicación a manifestación en defensa da sanidade pública que o domingo 1 de febreiro partirá ás 12.00 horas da Alameda de Compostela e rematará na Praza do Obradoiro.
Baixo o lema “Máis Sanidade Pública”, SOS Sanidade Pública —plataforma da que este colectivo forma parte e que agrupa todas as plataformas sanitarias galegas— fai un chamamento ao conxunto do país para defender o dereito á saúde e frear a destrución e privatización da sanidade pública galega, procesos que, segundo denuncian, avanzan a gran velocidade.
Carlos Fernández Fraga, médico xubilado de Atención Primaria e integrante da plataforma, lembrou que “levamos máis de dezaseis anos vendo como o sistema sanitario público foi esmorecendo paso a paso, sen que a poboación se decatase ata que a desfeita xa era evidente”. Sinalou que os fondos públicos destinados á sanidade “están a desviarse a centros privados mentres se desmantelan servizos públicos sen ningún miramento, obrigando milleiros de pacientes a seren atendidos na privada, moitas veces a moitos quilómetros do seu domicilio”.
Engadiu que a Atención Primaria, “base do sistema sanitario”, non está a poder resolver os problemas de saúde da poboación pola falta de persoal, o que provoca “o colapso dos servizos de urxencias, síntoma inequívoco da crise da sanidade pública”. Lembrou tamén a entrega, o pasado 15 de xaneiro, de case seis mil sinaturas ao conselleiro de Sanidade para reclamar máis médicos e pediatras na Mariña, “proba do desastre sanitario que sofre a comarca”.
Autobuses para o desprazamento a Santiago
O colectivo anunciou que se habilitarán autobuses para acudir á manifestación. Segundo explicou Montse Porteiro, coordinadora da Plataforma Sanitaria da Mariña, fletaranse buses desde Viveiro e Ribadeo, en principio. Para reservar praza están dispoñibles os teléfonos 982 140 654, 982 581 861, 667 052 058 e 629 588 833.
O prazo para facer a reserva remata o xoves 29 de xaneiro ás 14.00 horas. Poderá facerse mediante chamada ou por mensaxe de WhatsApp, lembrando que as mensaxes deben recibir confirmación por parte da organización para que a praza quede efectivamente reservada. É necesario indicar nome, contacto e número de persoas que viaxarán.
Desde a plataforma sanitaria animan a toda a veciñanza da Mariña a acudir a Compostela “para demostrar unha vez máis que non imos consentir a destrución da sanidade pública e que o pobo mariñao loita incansablemente cando se atacan os seus dereitos”. “Temos que petar a Praza do Obradoiro de novo”, conclúen.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
