A Mariña, 21 de xaneiro de 2026. A Asociación de Comerciantes da Pontenova acaba de integrarse na FCAM.
Desde a Federación de Comercio A Mariña a súa presidenta, Carmen Cruzado, dixo que “estamos moi contentas de poder seguir sumando asociacións desta comarca á FCAM. Cantas máis sexamos máis cousas poderemos facer polo noso comercio e pola dinamización dos nosos pobos”.
Cruzado Iglesias indicou que “son precisamente as asociacións máis cativas, como a de comerciantes da Pontenova, que conta cuns vinte negocios asociados, as que precisan tamén do apoio e das axudas económicas das diferentes administracións para poder organizar actividades ao longo do ano. Son colectivos que non contan con xerencia e que necesitan de colaboracións para subsistir”.
A presidenta da FCAM comentou que “desde a FCAM este ano, ao igual que xa fixemos en 2025, tentaremos organizar actividades ou eventos en todas as vilas nas que contamos con asociacións de comerciantes. Un dos nosos obxectivos é traballar na reactivación dalgúns colectivos que levan anos parados e integralos na Federación de Comercio A Mariña. O asociacionismo é moi importante, cada vez máis, si o que queremos é que os nosos pobos teñan vida comercial, hostaleira, industrial e de servizos, senón acabarán desaparecendo”.
O presidente da ACDP (Asociación de Comerciantes da Pontenova), José Luis Balseiro, declarou: “valoramos moi positivamente o noso ingreso na FCAM. Esperamos que con esta colaboración poidamos medrar como asociación e dar máis servizos aos nosos asociados”.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
