A Mariña, 27 de xaneiro, 2026. O BNG convida a toda a comarca a participar na manifestación que terá lugar en Santiago de Compostela o vindeiro domingo 1 de febreiro, convocada por SOS Sanidade Pública e pola Plataforma en Defensa da Sanidade Pública da Mariña baixo o lema “Máis Sanidade Pública”. A formación lembra que o desmantelamento da sanidade pública avanzou a pasos de xigante nos últimos anos, acelerándose na comarca desde que hai oito anos o Partido Popular eliminou a Área Sanitaria da Mariña, o que provocou unha redución progresiva de servizos e obrigou a moitos doentes a desprazarse a Lugo.
O responsable comarcal do BNG, Antonio Veiga, afirmou que “a sanidade pública atravesa unha situación crítica que non é casual nin inevitable, senón o resultado dun desmantelamento planificado tras 17 anos de deterioro deliberado por parte do goberno do PP, que incumpriu a súa obriga de prever, organizar e investir, optando por un modelo que expulsa profesionais e desprotexe a cidadanía”.
Desmantelamento da Atención Primaria
En relación coa Atención Primaria, o BNG denuncia que na comarca está practicamente desmantelada, tanto en recursos económicos como humanos, con repetidas ausencias de profesionais en numerosos centros de saúde que o Sergas cobre só de maneira temporal ou por horas, e nunca na súa totalidade. A vice-responsable comarcal e portavoz en Viveiro, Iria Cotelo, sinalou que “esta situación na Mariña, e especialmente en Viveiro, é insoportable por máis tempo. O PP ten que decatarse de que non pode seguir xogando coa nosa saúde, porque iso é o que está facendo, e por riba aínda se ri de nós cada vez que levamos iniciativas ás institucións, como as que levou ao Parlamento Galego o noso deputado Daniel Castro”.
Máis Atención Primaria. Máis Atención Hospitalaria. Máis Sanidade Pública
Os nacionalistas fan súas as reivindicacións de SOS Sanidade Pública e da Plataforma en Defensa da Sanidade Pública da Mariña, e reclaman máis Atención Primaria, con centros de saúde e PACs dotados de persoal suficiente en todas as categorías; máis Atención Hospitalaria, coa utilización plena dos recursos públicos e o fin da concertación coa privada; así como plans para reducir as listas de agarda e poñer fin á súa ocultación.
“Son moitas as cousas que se está xogando esta comarca nos últimos anos, pero a máis desesperante é a situación da sanidade pública. Levamos anos reclamando o incremento do orzamento sanitario, recuperar servizos privatizados e, sobre todo, recuperar a nosa Área Sanitaria, que o PP eliminou e cuxas consecuencias estamos a sufrir, entre elas as derivacións a Lugo”, afirman desde o BNG.
Mocións nos concellos
O BNG anuncia tamén que esta semana comezará a presentar mocións en todos os concellos da comarca para o seu debate nos plenos municipais, co obxectivo de instar á Xunta a adoptar medidas urxentes para recuperar a sanidade pública galega: reforzar a Atención Primaria incrementando o seu orzamento, garantir a atención pediátrica, dotar de persoal as urxencias e poñer fin á privatización e ao desvío de recursos públicos cara á sanidade privada.
O 1 de febreiro, A Mariña farase oír en Santiago
Cotelo e Veiga animan a toda a poboación mariñá a acudir a Santiago o domingo 1 de febreiro para frear esta situación, “porque é a única forma de parar o desmantelamento”, lembrando que a veciñanza leva meses mobilizándose en practicamente todas as localidades da comarca, especialmente en Viveiro.
Haberá servizo de autobuses con saída desde Ribadeo e Viveiro. As persoas interesadas poden anotarse nos teléfonos 982 581 861, 982 140 654, 667 052 058 e 629 588 833. A data límite para inscribirse é o xoves 29.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
