Ameijide afeou que “a presidenta da Deputación diga defender ao sector mentres o secretario xeral do PSdeG di que o acordo é positivo para Galicia e o Goberno de Sánchez pide a aplicación inmediata do acordo co Mercosur. Prometeron aos gandeiros unha moción contra o acordo e non o fixeron. O PSOE nin sequera pide garantías para os nosos produtores”
Lugo, 27 de xaneiro de 2026. O PP logra sacar adiante na Deputación de Lugo a súa proposta en apoio ao sector primario -coa abstención do PSOE e o deputado non adscrito e o voto en contra do BNG- centrada en “protexer ao sector” solicitando ante a UE a non activación provisional do acordo de libre comercio co Mercosur “sen garantías para o agro e o reforzo das cláusulas de salvagarda e a intensificación dos controis na fronteira”.
O portavoz popular, Antonio Ameijide, propuxo e amosou a vontade dos populares para aprobar na Deputación Provincial unha declaración institucional ou tratar de chegar a un acordo unánime “porque entendemos que todos queremos protexer o noso sector primario”. Pero “PSOE e BNG negáronse”.
Ameijide fixo súas as palabras do presidente da Xunta, Alfonso Rueda, que onte mesmo defendía que “todos os produtos agroalimentarios que entren en Galicia deben cumprir os mesmos requisitos que os que se elaboran aquí e que as cláusulas de salvagarda entren en vigor ao mesmo tempo que o acordo”. En resumo, “o que queremos é que o tratado non dane ao noso sector agrogandeiro”.
Ante os acontecementos dos últimos días nos que saíu adiante no Parlamento Europeo da man dun “pacto entre BNG e Vox, entre outros partidos”, enviar o acordo ao Tribunal de Xustiza da UE posibilitando a activación provisional do tratado de libre comercio sen a aplicación das cláusulas de salvagarda, “actualizamos e melloramos a nosa proposta inicial” porque “non podiamos saber antes que o BNG ía pactar con Vox, cando eran os primeiros que dicían que con Vox a ningún sitio, pero son os primeiros que comparten viaxe con Vox”.
Ameijide tamén aclarou durante a súa intervención que “quen negocia de ti a ti a nivel europeo é o Goberno de Sánchez. O interlocutor é o Estado. A Xunta non intervén nestas negociacións”.
E incidiu en “mentres o BNG é o do non a todo; o Partido Popular é o do si. Si a pedir máis recursos para a PAC dende a consellería pero a través do Estado que é o interlocutor, si a pedir que se adianten os 45.000 millóns de euros de Europa para o sector primario, si a que se fale cada pouco tempo a que se fale cada pouco tempo entre as CCAA, o Estado e os representantes do sector e si a que se poñan condicións ao tratado, si á activación das cláusulas de salvagarda, si a esixir e garantir que todo o que entre en España cumpra os mesmos requisitos que lle esiximos aos nosos produtores e si a dicirlle a Europa que non pode entrar en vigor ata que estean as cláusulas de salvagarda activas”, defendeu.
“O PSOE NON ESIXE GARANTÍAS”
O popular tamén afeou que “a presidenta da Deputación diga defender ao sector mentres o secretario xeral do PSdeG di que o acordo é positivo para Galicia e o Goberno de Sánchez pide a aplicación inmediata do acordo co Mercosur. Prometeron aos gandeiros unha moción contra o acordo e non o fixeron. O PSOE nin sequera pide garantías para os nosos produtores”, apuntou.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
