Burela, 29 de xaneiro, 2026. João Miguel Santos Rodrigues da Silva (Santarém, 19-06-1992), coñecido deportivamente como João Silva, porteiro do Reyco Burela xunto a Starna durante a primeira volta, non continuará no equipo no que resta de tempada.
O gardameta, de 33 anos, formouse no CAS Vicentense e, en categoría xuvenil, fichou polo Achete durante dúas tempadas, incorporándose posteriormente ao Portela por outras dúas. Na campaña 14/15 xogou no Quinta dos Lombos, onde pechou a súa etapa en segunda división antes de dar o salto á primeira co Belenenses, club no que permaneceu unha tempada e media. Na 16/17 pasou polo Marítimo e posteriormente pola liga armenia co Leo Futsal Club.
De regreso a Portugal, incorporouse ao Ferreira do Zêzere por unha tempada e máis tarde ao Portimonense, onde xogou dúas campañas e contribuíu ao ascenso do equipo á primeira división na 18/19. Mantívose na máxima categoría ata a actualidade, fichando na 20/21 polo Viseu 2001/Palácio do Gelo e probando no Torreense na 21/22 antes de regresar ao Portimonense a media tempada.
Na 22/23 incorporouse ao Eléctrico FC e na 23/24 decidiu volver a competir fóra do país, primeiro na liga maltesa co Luxor St. Andrews e despois no Ribera Navarra, xa en España. Na pasada campaña comezou no Sport Club Lusitânia dos Azores e finalizou o curso na República Checa co SK Interobal Plzen.
O club agradece o traballo realizado nesta etapa e deséxalle moita sorte no futuro.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
