Ribadeo, 9 de febreiro de 2026. Ribadeo segue realizando melloras na estrada da costa no treito comprendido entre Rinlo e A Devesa para beneficio da veciñanza e dos visitantes.
O alcalde, Dani Vega, dixo que “seguimos xestionando orzamento para mellorar as nosas infraestruturas. Todos somos conscientes de como se atopaba a estrada da costa. Nunha primeira actuación investimos dende Vilaselán ata Rinlo e agora estamos investindo, mellorando toda esa rede de infraestruturas dende Rinlo ata a Devesa. Toda esta inversión, por un valor de 370.000 euros, o que nos leva é a mellorar unha infraestrutura moi necesaria, que comunica varias parroquias e que tamén nos comunica co concello veciño de Barreiros e actuamos en infraestruturas que estaban realmente abandonadas. A da costa, con pavimento destrozado, ou ao lado mesmo do cámping e do laberinto hai vieiros en terra nestes momentos, cando hai xa actividade emprendedora, cando hai dous establecementos turísticos de importancia, e nunca houbo ningún tipo de mellora ou de inversión, dado que hai un trafico elevado”.
O rexedor declarou: “tamén somos conscientes de que desde o inicio de Rinlo, o que lle chamamos nosoutros a variante, é fundamental para aliviar o tráfico de Rinlo. Este é un paso moi importante para trazar unha estratexia conxunta con todos os veciños, coa asociación, que demanda tamén que actuemos no tráfico de Rinlo. Non pode ser que nos meses altamente turísticos Rinlo estea abarrotado de coches mal aparcados e que causan moitos problemas para todos os veciños e veciñas”.
Vega sinalou: “por iso quixemos facer as cousas en concordancia coa asociación, é dicir estar falando permanentemente, trazar unha estratexia conxunta de, primeiro aglomerar, arranxar todo o que ven sendo a variante, que comunique directamente cun aparcadoiro que está situado no inicio da estrada da costa, pasando o porto de Rinlo e tamén que libere o tráfico para comunicar directamente coa estrada da costa. É unha inversión moi necesaria: actuamos na variante de Rinlo, na estrada que comunica o aparcadoiro, na estrada que comunica directamente coa da costa, e en toda a estrada da costa, dende o porto ata Meirengos”.
Para o alcalde ribadense “estamos diante dunha actuación que ten unha importancia relevante, que estamos mellorando as infraestruturas que teñen unha inxección económica para a Ribadeo, estamos traballando tamén nun dos sectores máis importantes, que é o turismo, e tamén para mellorar unha infraestrutura da que se benefician todos os veciños e visitantes. E, en consecuencia esta inversión que aporta a Xunta de Galicia, esta cantidade importante de 320.000 euros, máis unha pequena achega que fai o Concello de Ribadeo, traballando nunha estratéxica, conxuntamente, con lealdade institucional, entendendo que as administracións están para investir, para mellorar as nosas infraestruturas e así que Ribadeo siga avanzando”.
Dani Vega subliñou: “estamos satisfeitos do traballo que se está a facer, moi satisfeitos de que esta estrada en 2 anos toda ela dende Vilaselán á Devesa estea arranxada, porque levábamos moitos reclamándoa e levábamos moitos anos cunha vía totalmente destrozada e hoxe xa a temos preparada para que luza perfectamente para visitantes e veciños. Seguimos xestionando orzamento para que Ribadeo siga avanzando”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
