Olga García: “ á veciñanza de Castro de Rei precisa accións concretas non bulos, mentiras e desinformación que é o que parece que se dedica este alcalde”
Castro de Rei, 19 de febreiro de 2026. O BNG de Castro de Rei denuncia a falta de rigor, as contradicións e as continuas mudanzas de versión do goberno municipal do PP arredor das actuacións anunciadas para solucionar os graves problemas da traída municipal de auga, unha situación que leva anos afectando á veciñanza, á hostalaría e ao tecido empresarial do concello.
A portavoz municipal do BNG, Olga García, critica que “o alcalde Francisco Balado leve máis dun ano anunciando solucións que nunca chegan mentres a realidade é que hai veciños e negocios que continúan sen poder facer uso da auga municipal con normalidade”.
Desde o BNG lembran que xa en marzo de 2025 o goberno municipal anunciou un proxecto para mellorar o abastecemento, asegurando que sería a solución definitiva aos problemas existentes. Porén, apenas un ano despois, en febreiro de 2026, o propio alcalde volvía realizar un novo anuncio tras unha reunión coa conselleira de Medio Ambiente, Ángeles Vázquez, presentando outro proxecto diferente e falando agora dun investimento millonario para resolver a mesma situación.
“Ou ben o proxecto de 2025 non era real ou ben o de agora tampouco o é. O que non pode ser é que cada poucos meses apareza un novo anuncio sen que a veciñanza vexa unha soa obra executada nin unha mellora efectiva no servizo, non se pode vender fume”, sinalou García.
A nacionalista lembra ademais que no último pleno municipal, e a preguntas do BNG, o propio alcalde asegurou que o único que faltaba era a sinatura entre o Concello e a Confederación Hidrográfica para executar un arranxo valorado en 3 millóns de euros, unha afirmación que entra en clara contradición cos novos anuncios realizados posteriormente.
“Estamos diante dun auténtico caos informativo. Primeiro falan dun proxecto, logo doutro distinto, despois dunha actuación que só estaba pendente dunha sinatura e agora anuncian investimentos millonarios como se todo comezase de cero. A veciñanza merece explicacións claras e non propaganda constante”, afirmou Olga García.
O BNG considera especialmente grave que se xogue coa preocupación dunha parte importante da poboación que leva tempo sufrindo problemas de subministro e de calidade da auga. “Non estamos falando dunha obra secundaria, senón dun servizo básico esencial para vivir, traballar e desenvolver actividade económica en Castro de Rei”, engadiu.
Por iso, o grupo municipal nacionalista esixe ao goberno local que explique con transparencia cal é o proxecto real, en que fase administrativa se atopa, que administración vai asumir o financiamento e cales son os prazos reais de execución, así como que deixe de facer anuncios reiterados sen resultados.
“O que precisa Castro de Rei non son titulares nin fotos, senón obras executadas e solucións reais para a traída municipal”, concluíu Olga García
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
