Alfoz, 5 de marzo de 2026. O Concello de Alfoz conmemorará o 8 de marzo, Día Internacional da Muller, cunha campaña institucional que este ano leva por lema “Igualdade real, tamén no rural”, unha mensaxe que reivindica a necesidade de seguir avanzando na igualdade de dereitos e oportunidades para as mulleres tamén nos territorios rurais.
Con motivo desta data, a Casa do Concello tinguirase de violeta, como símbolo de apoio e recoñecemento a todas as mulleres e como mostra do compromiso institucional coa igualdade.
Ademais, o Concello publicará a III edición da iniciativa “Mulleres de Alfoz”, unha serie de infografías que poñen en valor a traxectoria e a experiencia vital de mulleres do municipio. A través destas publicacións preténdese dar visibilidade ao papel fundamental que desempeñan na sociedade local, recoñecendo o seu traballo, o seu esforzo e a súa contribución ao desenvolvemento da comunidade.
Desde o goberno municipal sinalan que “o 8 de marzo é unha data para reivindicar, pero tamén para recoñecer o papel imprescindible das mulleres na vida social, económica e cultural do noso concello”.
Nesta liña, destacan que “nos concellos rurais como Alfoz a igualdade tamén ten retos propios, relacionados coa conciliación, as oportunidades laborais ou o acceso a servizos, polo que é necesario seguir traballando para garantir unha igualdade real e efectiva”.
O executivo local subliña ademais que “iniciativas como ‘Mulleres de Alfoz’ permiten poñer rostro ás historias de vida das mulleres do noso municipio, visibilizando referentes e contribuíndo a construír unha sociedade máis xusta e igualitaria”.
Finalmente, desde o Concello animan á veciñanza a sumarse á conmemoración do 8M e a continuar avanzando entre todos e todas cara a unha sociedade máis igualitaria.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
