Burela, 6 de marzo, 2026. Máis de 70 alumnos e alumnas de primaria de Burela participaron este xoves na primeira xornada de limpeza de praias do proxecto “Sostibilidade da actividade pesqueira e consumo responsable”, que promove a Fundación Expomar coa financiación do Fondo Europeo Marítimo, de Pesca e de Acuicultura 2021-2027 e do GALP A Mariña-Ortegal.
Ao longo deste mes de marzo realízanse tres xornadas de limpeza de praias co alumnado dos centros de educación primaria e secundaria de Burela e a colaboración do centro de educación ambiental Gaia, desde o que se conciencia aos xoves da importancia de coidar o entorno natural.
A primeira tivo lugar esta semana na praia do Perdouro, na que participaron máis de 70 alumnos e alumnas de 5º de Primaria dos CEIP plurilingües Vista Alegre e Os Castros, de Burela; que estiveron acompañados por representantes da Fundación Expomar e do Concello de Burela.
En total recolléronse 10 sacas de crebas mariñas, demostrando que o mar sempre acaba devolvendo todo o que se lle bota. Entre estes restos predominan plásticos e materiais de construcción, así como refugallos da actividade pesqueira. Tamén se prestou especial atención aos refugos de pequeño tamaño, moi perxudiciais tanto para peixes como para as aves.
Popularmente coñecido como “Xeración Peixe”, o proxecto abrangue diversas actividades nas que colaboran diferentes sectores de actividade e públicos de distintas xeracións: desde centros de ensino ata centros de maiores e de inclusión social. Precisamente este xoves tivo lugar tamén un obradoiro interxeracional, que xuntou a un grupo de mocidade do Concello de Burela con persoas usuarias do centro de día ‘Coidando de Vós’.
Nas próximas xornadas de limpeza participarán alumnos e alumnas de 1º e 2º de ESO dos IES Perdouro e Monte Castelo de Burela, e terán lugar o 18 e 27 de marzo. Todos estes restos de lixo recollido empregaranse nunha exposición como actividade de sensibilización dentro do “Congreso da infancia e da adolescencia”, que se celebrará a finais de abril, para concienciar sobre a necesidade de manter limpo o medio mariño.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.
