Ribadeo, 8 de abril de 2026. O vindeiro domingo, 12 de abril, terá lugar o I Premio Escolas Vila de Ribadeo de ciclismo, que reunirá a 200 participantes.
O concelleiro de Deportes, Francisco José Silvent, explicou que “as saídas das diferentes categorías produciranse entre as 15:30 e as 17:30 horas. Son alevín, infantil, promesa, principiante e cadete. Ademais haberá unha xincana que se realizará paralelamente, mentres estean correndo os cadetes, si o xurado técnico así o acorda”.
O edil ribadense dixo que “o domingo haberá diferentes restricións e modificacións do tráfico rodado en Ribadeo, xa que a proba discorre polas rúas da nosa vila. O aparcamento do porto permanecerá pechado durante o desenrolo da carreira”.
Silvent engadiu: “agardamos que o I Premio Escolas Vila de Ribadeo sexa un éxito e que as familias que acompañan aos xoves corredores gocen do seu paso por Ribadeo e de todo o que lles ofrece esta vila”.
O I Premio Escolas Vila de Ribadeo foi presentado no día de hoxe. No acto participaron o o xefe do Servizo Provincial de Deportes da Xunta en Lugo, Manuel Otero, o concelleiro de Deportes, Francisco José Silvent, o técnico municipal de Deportes, Iván López, e Iván Rodriguez, que é membro do club Clementina.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
