NUEVOS POSTS CONCELLO DE TRABADA (1080 x 1350 px) – 312
Trabada, 9 de abril de 2026. O Concello de Trabada vén de rematar as obras de mellora en diferentes estradas municipais nos lugares de Carreirachá, na parroquia de Vilaformán, e O Bargo, na parroquia da Vilapena. Esta actuación contou cun orzamento de algo máis de 26.000 euros.
Os traballos están incluídos dentro do Plan de Cooperación cos Concellos 2025 da Deputación de Lugo, a través do cal o Concello de Trabada tamén levou a cabo outras actuacións no municipio como: a mellora de vías en Foxos, Barreiros e Abaira, e tamén a construción dun almacén no pavillón de Sante.
Ademais destas actuacións xa rematadas, está previsto que nos vindeiros meses se executen novas melloras nas parroquias de Vilaformán e Vilapena, que incluirán o pintado exterior e a instalación de canalóns no teleclub de Vilaformán, así como a mellora do teleclub da Vilapena.
O alcalde de Trabada, Rubén García, destacou que “seguimos avanzando na mellora das nosas infraestruturas municipais, actuando en diferentes parroquias e atendendo ás necesidades da veciñanza. O obxectivo é continuar renovando vías e espazos públicos para mellorar a calidade de vida no noso concello”.
Dende o Concello subliñan que estas actuacións forman parte dunha liña de traballo continuada para garantir mellores servizos en todo o territorio.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
