Burela, 9 de abril, 2026. Entre o mércores e o venres desta semana, comedores de centros escolares, residencias de maiores e centros de inclusión social da Mariña-Ortegal están a celebrar o “Día do Peixe”, unha acción incluída no proxecto Sostibilidade da actividade pesqueira e consumo responsable, promovido pola Fundación Expomar co financiamento do FEMPA 2021-2027 e do GALP A Mariña-Ortegal.
Este xoves 9 de abril, os comedores de Saúde Mental A Mariña, en Cervo, sumáronse á iniciativa cun menú especial composto por ensaladilla de peixe espada e peixe espada ao forno con xuliana de hortalizas. A directora do centro, María José Novoa, estivo acompañada polo presidente do GALP, Javier Martínez Otero; o director territorial de Pesca, Alexandre Piñeiro; a alcaldesa de Cervo, María Dolores García; o tenente de alcaldesa de Burela, Mario Pillado; o concelleiro do Mar de Burela, Ramiro Fernández; a secretaria da Confraría de Pescadores de Burela e membro do Padroado de Expomar, Diana Durán; e o xerente da Fundación Expomar, José M. González “Brais”.
Tamén a residencia de maiores de Burela celebrou hoxe o “Día do Peixe”, coa visita do director territorial de Política Social en Lugo, Óscar Viñas Penelas, que acompañou á directora do centro, F. Marlene García Eijo.
En total, participan nesta acción divulgativa e gastronómica centros de maiores, centros de inclusión e trece centros educativos con comedor dos concellos do territorio GALP A Mariña-Ortegal: CEIP Plurilingüe Vista Alegre e Os Castros (Burela); Escola Infantil Municipal O Bítere e CEIP de San Cosme (Barreiros); CEIP Plurilingüe nº1 e IES de Foz; CEIP Península da Paz (San Cibrao); CEIP Luís Tobío, IES María Sarmiento e Escola Infantil San Roque (Viveiro); CEIP Antía Cal (Muras); CEIP Francisco López Estrada (Mañón); e CEIP José María Lage (Ortigueira).
A través desta iniciativa, a Fundación Expomar fomenta o consumo de peixe proporcionando produto fresco aos servizos de cociña para elaborar menús especiais ao longo de tres días. En total, repartiranse 1.200 racións de peixe en toda a contorna, convertendo esta semana nunha auténtica “Semana do Peixe”.
A xornada celebrada o mes pasado na Escola de Hostalería de Foz serviu como ensaio previo, con diferentes propostas culinarias de peixe espada elaboradas por profesionais das cociñas dos centros e responsables das empresas de catering.
Coñecido popularmente como “Xeración Peixe”, este proxecto da Fundación Expomar inclúe actividades de investigación, cultura, gastronomía, medio ambiente e artesanía, nas que colaboran persoas de distintas xeracións: alumnado, maiores e colectivos de inclusión social.
Os traballos iniciados en outubro de 2025 culminarán no “Congreso da Infancia e a Adolescencia”, que terá lugar o xoves 30 de abril na Casa da Cultura de Burela, onde se presentarán os resultados do proxecto a través de relatorios e mostras de artesanía, cultura, literatura e gastronomía.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
