O novo procedemento permitirá regularizar a situación existente e abrir a explotación a persoas interesadas en igualdade de condicións
Vilalba, 14 de abril de 2026. O Concello de Vilalba vén de sacar a licitación a concesión do uso privativo do bar-cafetería da área recreativa da Madalena, un paso clave para normalizar a situación deste espazo e garantir unha xestión transparente e plenamente axustada á legalidade.
Con esta licitación ponse fin a unha situación herdada de anteriores gobernos, nos que a explotación do establecemento se realizaba sen un procedemento público en vigor, amparándose nun acordo do ano 2011 xa caducado. Ante esta realidade, o actual executivo municipal declarou caducada e rescindida a relación contractual existente, co obxectivo de restaurar a legalidade e defender o interese xeral.
A alcaldesa, Marta Rouco, subliña que “era unha obriga deste goberno actuar con responsabilidade para rematar cunha situación irregular que nunca se debeu prolongar no tempo”. Engade ademais que “hoxe Vilalba dá un paso adiante, apostando pola transparencia, a igualdade de oportunidades e a boa xestión dos recursos públicos”.
Rouco destaca tamén que “calquera persoa interesada poderá optar agora a esta concesión en igualdade de condicións, nun procedemento aberto e con todas as garantías”. O obxectivo do Concello é ofrecer un servizo de calidade acorde ás necesidades actuais e contribuír á dinamización da área recreativa da Madalena, un dos principais puntos de encontro do municipio.
A concesión terá unha duración inicial de cinco anos, con posibilidade de prórrogas anuais ata un máximo de cinco anos máis, e fixa un canon mínimo de 967,28 euros mensuais (non suxeito a IVE).
Poderán presentar oferta persoas físicas, xurídicas ou unións temporais de empresas, sempre de maneira electrónica a través da Plataforma de Contratación do Sector Público. O prazo para presentar propostas será de 20 días naturais a partir do 14 de abril de 2026.
A alcaldesa anima ás persoas interesadas a participar, lembrando que “se trata dunha oportunidade para emprender nun entorno privilexiado, cun gran potencial e cun Concello que aposta por facer as cousas ben”.
Entre as condicións da concesión inclúese a realización de melloras no interior das instalacións, como a renovación do falso teito e o pintado, actuacións que serán compensadas cun período de carencia de 16 meses no pagamento do canon.
Ademais, establécese un réxime mínimo de apertura anual, garantindo así a continuidade do servizo e reforzando o papel da Madalena como espazo vivo e dinámico para a veciñanza.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
