A conselleira de Vivenda e Planificación de Infraestruturas, María M. Allegue, xunto ao delegado territorial da Xunta en Lugo, Javier Arias, deu a coñecer hoxe a actuación
Viveiro, 18 de maio de 2026. A Xunta destina máis de 760.000€ ás actuacións de protección contra a contaminación acústica na estrada LU-862 ao paso polo concello de Viveiro, en Lugo. A conselleira de Vivenda e Planificación de Infraestruturas, María M. Allegue, xunto ao delegado territorial da Xunta en Lugo, Javier Arias, deu a coñecer hoxe esta actuación, que se enmarca no Plan de Acción contra a Contaminación Acústica que leva a cabo o Goberno galego e que se cofinanciará con fondos europeos FEDER.
En concreto, os traballos que acaba de licitar a Xunta desenvolveranse en dous treitos da citada estrada autonómica ao paso polo núcleo urbano, que suman 1,5 quilómetros. O primeiro tramo arranca no punto quilométrico 83+650 e conta con 1,3km, mentres que o segundo no 86+170 é de 230 metros.
Deste xeito, abordarase unha mellora funcional, urbana e ambiental para acadar unha estrada máis silenciosa, ordenada e segura, co obxectivo de reducir as emisións e mellorar as condicións da estrada e a súa integración nesta zona urbana.
As actuacións inclúen a renovación do pavimento, a reorganización da calzada e ordenación de aparcadoiros, así como a creación dunha glorieta. Así mesmo, reducirase a velocidade a 40km/h para calmar o tráfico e mellorarase a sinalización. As empresas poderán presentar ofertas para este contrato ata o vindeiro 8 de xuño e os traballos terán un prazo de execución de 12 meses.
A conselleira puxo en valor esta actuación para seguir avanzando en estradas máis seguras e sostibles, “co selo Galicia calidade”, un compromiso da Xunta para executar intervencións destinadas especificamente a reducir o ruído ambiental procedente do tráfico, e con iso mellorar a calidade de vida da veciñanza, a través do Plan de Acción contra a Contaminación Acústica.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
