Ribadeo, 18 de maio, 2026. O Consello da Xunta aprobou o proxecto de acordo que autoriza a aceptación do terreo cedido polo Concello de Ribadeo, de maneira gratuíta, para construír o novo centro de saúde da localidade.
A parcela cedida, situada na avenida da América s/n, conta cunha superficie de 3.991 m². A Xunta prevé investir arredor de 7 millóns de euros na execución desta nova infraestrutura sanitaria, que ampliará o espazo actual dos 1.987 m² ata aproximadamente 2.800 m², incorporando máis consultas, mellores circuítos asistenciais e novos servizos.
O futuro centro de saúde disporá de seis consultas de medicina xeral, seis de enfermería, sala de toma de mostras, consulta de farmacia e dúas salas de técnicas para ecografías, espirometrías e cirurxía menor. Tamén contará cun despacho para o traballador social e unha sala de xuntas/biblioteca.
No ámbito materno-infantil, incluirá consulta de pediatría, enfermería pediátrica, consulta para a matrona, espazo para o programa da muller e unha sala de educación sanitaria.
Co obxectivo de ofrecer unha atención máis integral e multidisciplinar, o centro incorporará odontoloxía, consulta para hixienista, fisioterapia e radioloxía.
O PAC tamén verá reforzados os seus espazos, con sala de observación, box de críticos, dúas consultas de medicina xeral e unha de enfermería. Ademais, reservarase espazo para o 061.
Tras a aceptación dos terreos, o seguinte paso será formalizar a cesión en escritura pública e, posteriormente, licitar a redacción do proxecto construtivo. A previsión da Xunta é aprobar o proxecto ao longo do próximo ano e licitar as obras da nova infraestrutura de atención primaria.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
