Lourenzá, 4 de xuño de 2026. Un responsable do Servizo Técnico de Vías e Obras da Deputación de Lugo estivo en Lourenzá onte, mércores, para ver unha serie de necesidades que afectan ás vías provinciais LUP2804 (Lourenzá-Cazolga) e LUP2801 en Sto Tomé. Na visita participaron representantes da asociación de veciños da Cazolga; a alcaldesa, Rocío López; o tenente de alcalde Javier Huertas e a concelleira Mercedes Dengra.
A alcaldesa explica que “a estrada que une o núcleo de Lourenzá co barrio da Cazolga é moi estreita e rexistra moita afluencia de tráfico pesado diariamente xa que é unha zona de alta explotación forestal, o que dificulta o tránsito cando dous vehículos se cruzan na vía. Estase estudando a posibilidade de facer cunetas de cemento para poder orillar en caso de necesidade e mellorar as condicións de seguridade da vía. Na recente visita da presidenta da Deputación, Carmela López, a Lourenzá explicámoslle in situ esta problemática e mostrouse moi colaborativa para darlle unha solución”.
Rocío López especifica que “na estrada LUP2801 as actuacións plantexadas pasan por dar solución ao inmoble situado no estreito do núcleo de Santo Tomé e poder así dar continuidade ás beirarrúas nese lado da vía. Dende a Área de Vías e Obras da Deputación xa están traballando nun estudio de viabilidade para poñer solución a estes problemas”.
“Seguimos traballando para mellorar as infraestruturas do noso rural priorizando sempre a seguridade dos cidadáns e dando resposta as súas necesidades. Dende o Concello agradecemos a colaboración do ente provincial e a súa predisposición para dar resposta as peticións de Lourenzá”, rematou a alcaldesa.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
