A iniciativa, financiada polos fondos do Pacto de Estado contra a Violencia de Xénero, estará conducida polo recoñecido artista Leandro Lamas e incidirá no carácter interxeracional e comunitario das políticas de igualdade do Goberno local
Barreiros, 12 de xuño de 2026. O Concello de Barreiros dará un novo paso no seu compromiso coa igualdade e contra as violencias machistas coa creación dun mural colaborativo que se realizará os días 16 e 17 de xuño. A iniciativa, financiada cos fondos do Pacto de Estado contra a Violencia de Xénero, concíbese como un espazo de encontro, reflexión e expresión artística compartida aberto a toda a veciñanza.
A actividade estará coordinada polo pintor e ilustrador galego Leandro Lamas, cuxo estilo colorista, vitalista e de forte sensibilidade social guiará o proceso creativo. O artista traballará directamente coa comunidade, favorecendo que persoas de todas as idades poidan participar e plasmar no espazo público unha mensaxe clara de rexeitamento ao machismo e de defensa das relacións libres, igualitarias e respectuosas.
Unha política de igualdade transformadora e transversal
Desde o Goberno municipal subliñan que este mural non é unha acción illada, senón parte dunha estratexia continua e transversal que pon o foco na prevención e na visibilización dun problema estrutural como é a violencia machista.
A alcaldesa de Barreiros, Ana Ermida, destacou a importancia de levar a loita feminista ao espazo público e de implicar a toda a sociedade:
“En Barreiros entendemos que a loita contra as violencias machistas non se constrúe dende os despachos, senón tecendo redes no comunitario. Este mural é política en maiúsculas: ocupamos o espazo público para visibilizar o noso compromiso irrenunciable cun concello libre de machismo. Queremos que cada persoa que pase por aquí lembre que esta é unha tarefa colectiva e que o Goberno de Barreiros está e estará sempre na vangarda da defensa dos dereitos das mulleres.”
Acción interxeracional e implicación veciñal
Un dos piares fundamentais desta proposta é o seu carácter interxeracional, promovendo que mocidade e persoas maiores compartan espazo, pinceis e reflexións, favorecendo un diálogo necesario para romper estereotipos e construír unha cultura de respecto.
A concelleira de Igualdade, Montse Porteiro, puxo en valor o traballo desenvolvido desde a súa área e a metodoloxía escollida:
“Traballar na igualdade esixe constancia e ferramentas que impliquen directamente á veciñanza. Contar cun creador como Leandro Lamas, que sabe captar perfectamente a alma comunitaria e a sensibilidade desta causa, é un privilexio. Con este mural unimos a diferentes xeracións de barreirenses nun obxectivo común: aprender xuntas, escoitarnos e deixar unha pegada artística permanente que diga ‘non’ a calquera tipo de violencia contra as mulleres. Seguimos demostrando con feitos que as políticas de igualdade son unha prioridade absoluta na nosa xestión.”
O Concello de Barreiros convida formalmente ao tecido asociativo, aos centros educativos e á veciñanza a título individual a participar nas xornadas do 16 e 17 de xuño para construír, entre todas e todos, un espazo de cor, dignidade e xustiza social.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
