O distintivo confirma a presenza do areal viveirense na relación oficial de praias recoñecidas na convocatoria 2026-2027
Viveiro, 11 de xuño de 2026. Mariña Gueimunde, alcaldesa de Viveiro, recolleu a bandeira azul que volverá lucir na praia de Area, despois de que este areal figure na relación oficial de praias distinguidas na convocatoria 2026-2027. A praia de Area renovou o recoñecemento á calidade ambiental, aos servizos e á xestión do litoral, dentro dunha convocatoria na que Galicia contará con 118 praias con bandeira azul en 38 concellos, dez máis ca en 2025. Na provincia de Lugo son 17 os areais distinguidos, repartidos en oito concellos, e entre eles figura a praia viveirense.
A convocatoria incorporou como novidade que as bandeiras azuis para praias e portos deportivos terán validez para o período 2026-2027. En todo caso, o mantemento do distintivo seguirá condicionado ao cumprimento dos criterios de concesión durante ese período, con seguimento anual e os correspondentes procesos de verificación ao longo de 2027.
Os criterios que ten en conta Adeac para outorgar a bandeira azul están relacionados coa calidade excelente das augas, así como coa seguridade, a accesibilidade, a dotación de servizos, a xestión ambiental e a sustentabilidade.
Mariña Gueimunde valorou de maneira positiva a renovación deste distintivo e sinalou que «é unha boa noticia para Viveiro e para a praia de Area, porque supón un recoñecemento ao valor dun espazo moi importante para a veciñanza e tamén para a proxección do noso litoral». A rexedora engadiu que «manter este distintivo significa seguir cumprindo uns estándares esixentes e reforza a importancia de continuar traballando no coidado, na conservación e na calidade dos nosos espazos costeiros».
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
