O día 3 do vindeiro mes celébrase no barrio de Vilaxoane a que é a primeira das festas do calendario anual do concello focego: o San Blás. A ermida, sinxela, pero moi coidada e conservada, dado sobre todo o interese dos veciños,atópase ó inicio da estrada que conduce á igrexa de San Martiño. Trátase dunha soa nave cuberta de madeira ás dúas augas, con arco de trunfo e capela maior. Nela pódense ver as imaxes de San Blas, San Xosé, San Roque e a Virxe co Neno, estas dúas do século XVIII. Posúe retablo barroco dun só corpo con catro columnas salomónicas, na que se contempla un Cristo no alto e unha imaxe de San Caetano do XVIII. As imaxes viñeron de Nápoles, según contan as crónicas, que atribuen a construcción da capela ó “Oidor” Saavedra, Conde de Gimonde, Conselleiro que foi nas Indias e según a tradición débese o nome de Vilaxoane a unha filla dos seus devanceiros chamada Xoana, na honra de quen o lugar levaría o nome de Villajuana.A do San Blás é unha romería entrañable á que acude un numeroso xentío da vila e a bisbarra, pois en boa medida pervive a crenza de que o Santo é abogoso das doenzas da gorxa , ó que os crentes se encomendan ó tempo que se realiza o rito de “poñer o Santo”.
O aspecto lúdico xira en torno ós bailes que hai motos anos tiñan `por escenario a “aira de Morán”, que mais tarde, pasaron ó salón da Corredoira, onde tiña lugar o “baile da escoba” que se ben non era espectáculo artístico, nen estético, era divertido e xocoso: chegou a ser moi popular. O tempo frío, de choiva, desapacibre que é frecuente deixou unha referencia histórica: No ano 1954 caeo no noso contorno a mais grande nevarada que recordamos; tanto que naquela ocasión non se celebrou a festa pois a orquestra non chegou ó punto de destino…Hoxe unha gran carpa protexe das inclemencias e nela ten lugar tamén o “día dos callos”, que co “pan de San Blas” son nestas datas os atractivos gastronómicos. Esperemos que este ano se porte mellor, e se poda facer aquela encomenda: ” Se vas o San Blas / traeme un San Blasiño / que non sexa moi grande / nen moi pequeniño”.
Suso Fernández
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
