BURELA (FNC) .- A concelleira de Benestar Social, Neves Cando, asegura que “as cousas fanse ben e hoxe en Burela hai máis de 20 familias que xa teñen nas súas mans as chaves das súas novas vivendas”. Así resposta a edil nacionalista ás críticas verquidas nas últimas horas polo grupo municipal do PP relativas ao suposto retardo co que se entregaron os pisos construídos na zona de O Torno. Neves Cando sinala que “algo que debe saber todo o mundo é que o PP nos 15 anos que gobernou no Concello de Burela sempre puxo escusas para non construír este tipo de vivendas de promoción pública para familias que non poden acceder aos prezos das vivendas libres. Desde o BNG unha e outra vez, ano tras ano, insistíamos na necesidade de contar con este tipo de inmobles porque así se viu que eran necesarias e só a finais de 2006 se construíron estas 32 vivendas”.
A concelleira de Benestar Social engade que “coma o PP nunca estivo pola labor, descoñece os trámites que hai que levar adiante para entregalas definitivamente e fala por falar. Agora acúsannos de facer un acto electoralista entregando onte estas vivendas e gustaríame saber ¿que lles diría o PP aos adxudicatarios se estando todo resolto non as entregáramos ata marzo despois das eleccións para que ao PP non se lle parecese un acto electoralista?”.
Neves Cando manifesta que “onte fixemos a entrega das chaves e dos documentos de compra-venda e aluguer das vivendas de promoción pública construídas na zona de O Torno. Trátase de 32 vivendas, 6 en réxime de compra-venda e o resto en réxime de aluguer que foron adxudicadas a outras tantas familias de Burela que a partires de hoxe xa poden gozar delas”. A concelleira do BNG di que “só 6 desas vivendas aínda foron sorteadas a semana pasada porque se produciron outras tantas renuncias desde a adxudicación e o sorteo definitivo. Despois de facer todos os trámites administrativos oportunos, despois de sortealas entre os adxudicatarios e despois de agardar a que esas persoas expresaran a súa vontade de aceptar ou non a vivenda, a semana pasada preparouse toda a documentación na notaría e onte foron asinados os contratos correspondentes e entregadas as chaves das vivendas. En todo momento os veciños adxudicatarios estiveron informados de todo o proceso, porque semanalmente eu en persoa solicitáballe información á Consellería de Vivenda para coñecer a evolución dos trámites e a resolución definitiva”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
