Nota de prensa
O BNG DE BARREIROS PIDE QUE O GOBERNO MUNICIPAL EXPLIQUE OS ORZAMENTOS, OS SERVIZOS QUE VAI MANTER E COMO OS VAI AFRONTAR. OS NACIONALISTAS CALIFICAN AS DECLARACIÓNS DO ALCALDE COMA UNHA CORTINA DE FUME COA QUE SE PRETENDE TAPAR A REALIDADE DAS CONTAS MUNICIPAIS E CÓMO LLES AFECTARÁN ÁS VECIÑAS E AOS VECIÑOS.
Barreiros, 17 de febreiro de 2012. Dende o BNG insisten en que o seu voto contrario aos orzamentos do 2012 vén fundamentado polo que estes supoñen para as e os barreirenses. “O feito de aprobalos a primeiros de ano é importante, de feito o BNG lévao solicitando desde hai moitos anos, sobre todo tendo en conta a costume que existía neste concello, pero cando se presentan os orzamentos, non se pode quedar só niso, senón que se debe explicar o fondo do contido dos mesmos. Que o Alcalde non entre a explicar absolutamente nada do contido dos orzamentos e quede só nunha cuestión formal, demostra o perxudicial que son as contas do 2012 para o conxunto da poboación”, afirman desde o BNG. “Por iso o BNG votou en contra dos mesmos.”
A portavoz nacionalista en Barreiros, Ana Ermida, sinala que “o BNG xa advertiu que se carga sobre as veciñas e os veciños o custe dos servizos, polo que, cando desde o equipo de goberno se afirma que se manterán, deberían explicar cales se van manter e como pensan facelo. Porque, se nos paramos a analizar os orzamentos presentados, pódese ver claramente que os servizos que o Alcalde di que se manteñen son aqueles que pagan as veciñas e veciños cos seus impostos. Este é o caso dos servizos asistenciais, cuxo custe se incrementa excesivamente para as e os usuarios”. Desde o BNG engaden que “por outro lado, servizos como os de salvamento e socorrismo nin sequera aparecen recollidos no orzamento, polo que, tendo en conta que na memoria da Alcaldía que acompaña ás contas se afirma que se suprimirán as contratacións de persoal salvo as financiadas ao 100% con recursos doutras Administracións, debemos entender que non se vai realizar ningunha contratación de socorristas para este verán por parte do Concello de Barreiros”.
Polo tanto, conclúen desde o BNG que “os servizos que se manteñen son a costa de cargar ás veciñas e veciños de impostos e taxas para tapar a mala xestión municipal e os recortes da Xunta”.
A situación actual como consecuencia dunha xestión dos recursos públicos ao servizo do Partido Popular
Pero ademais, o BNG acusa ao alcalde barreirense de tratar de xustificar os recortes pola situación económica actual, sen asumir a súa responsabilidade na xestión, “parécenos insultante que sexa neste momento cando Alfonso Fuente se queixa de que a oposición non colabora. En primeiro lugar, porque foron uns orzamentos presentados polo equipo de goberno, sen dar participación ningunha á oposición e sen, sequera, convocar a Comisión de Contas. Pero é que, ademais, durante anos e anos ignorou as advertencias feitas polo grupo municipal do BNG a respecto da xestión que levaba a cabo na entidade municipal; utilizándoa para satisfacer intereses partidistas”.
“Co recorte de persoal que se presenta nestes orzamentos (pásase de 197 persoas contratadas no 2011 a 83 previstas para este 2012) demóstrase que a xestión de persoal do Concello de Barreiros se estaba facendo con criterios distintos da eficacia e da necesidade dos servizos”, aseguran desde o BNG. Ana Ermida indica que “se da a casualidade de que, segundo os datos presentados na sesión do luns polo propio Concelleiro de Economía e Facenda, os anos de maior número de empregados municipais foron o 2003, 2007 e 2011, anos de eleccións municipais; cando o equipo de goberno utilizaba os cartos de todas e todos para comprar favores electorais para o Partido Popular. En época de bonanza Alfonso Fuente e o Partido Popular fixeron e desfixeron ao seu antollo no goberno municipal. Os cartos ingresados polo Concello esfumáronse sen que as veciñas e veciños viran ningunha inversión ou beneficio neste Concello e sen atender a ningunha das propostas feitas polo BNG. O que non pode pretender agora é responsabilizar aos demais (nin á oposición, nin ás e aos barreirenses) da súa mala xestión e do despilfarro que se estivo facendo estes anos no Concello de Barreiros”.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
