ECONOMÍA E INDUSTRIA REÚNE AS MESAS LOCAIS DE COMERCIO DA PROVINCIA DE LUGO PARA IMPULSAR A DINAMIZACIÓN DO SECTOR
Estes organismos, creados na Lei de Comercio Interior de Galicia, fomentan o diálogo e a cooperación entre os comerciantes, os concellos e os consumidores
A directora xeral de Comercio salienta que son “un lugar de encontro, un foro de debate e participación onde teñen voz e voto todas as partes implicadas no desenvolvemento do comercio”
Raquel Arias destaca que “con estes organismos preténdese que tanto comerciantes como consumidores sexan partícipes das políticas comerciais”
Lugo, 12 de abril de 2012.- A directora xeral de Comercio da Consellería de Economía e Industria, Nava Castro, e a delegada da Xunta en Lugo, Raquel Arias, participaron esta mañá na primeira reunión formativa e de coordinación das Mesas Locais de Comercio de Lugo, á que asistiron numerosos representantes destes organismos de toda a provincia.
As Mesas Locais de Comercio foron creadas na Lei do Comercio Interior de Galicia, en vigor desde hai un ano, para fomentar o diálogo e a coordinación entre a administración, os comerciantes e os consumidores no deseño e execución das políticas comerciais que lles afectan, co fin último de potenciar e impulsar o comercio de proximidade.
Tal e como salientou na reunión a directora xeral de Comercio, Nava Castro, estes organismos son “un lugar de encontro, un foro de debate e participación onde teñen voz e voto o pequeno comercio, os consumidores e os concellos”. Pola súa banda, a delegada da Xunta en Lugo, Raquel Arias, destacou que “coas mesas locais de comercio preténdese que tanto comerciantes como consumidores sexan partícipes das políticas comerciais”.
Na provincia de Lugo 32 concellos constitúen a súa propia Mesa de Comercio Local, ao contar cun mínimo de 20 comercios minoristas ou cunha asociación local de comerciantes. Os restantes concellos están representados e participan na Mesa Local de Comercio da Deputación Provincial.
A Lei do Comercio Interior de Galicia, que se consolidou no seu primeiro ano de vixencia como unha ferramenta eficaz para o desenvolvemento do sector, dándolle seguridade xurídica ao mesmo, facilitou a posta en marcha de novos mecanismos de diálogo aberto entre os comerciantes, os consumidores e a administración, entre os que se inclúe, ademais das propias Mesas Locais de Comercio, o Consello Galego de Comercio.
Entre as funcións das mesas locais de comercio están informar das campañas de promoción do comercio que se desenvolven con fondos públicos, incluídas aquelas que sexan desenvolvidas polos concellos, elaborar informes para a realización de feiras de oportunidades ou actuar como órgano consultivo en todas as cuestións que afecten ao comercio local. Ademais, as mesas locais de comercio tamén poden propor aos concellos medidas, iniciativas e propostas en materia comercial.
O venres descubrirase a placa que oficializa o nomeamento da Biblioteca Municipal co seu nome, dentro da iniciativa “Miradas sobre Agustín 2026-2027”, que busca divulgar o legado do escritor e apoiar a súa candidatura ás Letras Galegas de 2028. O programa inclúe unha exposición, a lectura dun manifesto e unha conferencia. O sábado entregarase no Auditorio o IX Premio Agustín Fernández Paz de narrativa infantil e xuvenil pola Igualdade. Rouco destacou a importancia de visibilizar a figura do autor e convidou a veciñanza a participar nos actos.
As nenas e nenos coñeceron o proceso de moenda e levaron unha mostra de fariña. García destacou a importancia de achegar a realidade do rural á infancia e agradeceu a colaboración das granxas, ANPAS e centros educativos. O Muíño de Coea é unha das novas incorporacións a un programa que este ano inclúe 210 actividades e chega a máis de 6.000 escolares de 74 centros da provincia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
