RIBADEO .- (FNC) A Concellaría da Muller puxo en marcha un novo obradoiro de relaxación para os bebés que participan no programa de Preescolar na casa. Despois do realizado o ano pasado aberto a calquera persoa con nenos pequenos de Ribadeo, este ano organizóuse para nenos e nenas que están participando nese programa. Segundo explica, Luisa González, do CIM “as sesións levanse a cabo en Ribadeo e tamén en Rinlo e Remourelle. Serán 3 sesións dunha hora cada unha nos tres lugares onde se realizan as actividades de Preescolar na casa”. En Ribadeo e Rinlo xa se celebraron as primeiras sesións esta semana. Seguirán en Ribadeo o 23 de marzo e o 27 de abril, en dous grupos de 11:15 a 12:15 horas e de 15:30 a 16:30 horas. En Rinlo continuarán os días 24 de marzo e 14 de abril de 11:30 a 12:30 horas. E no caso de Remourelle este taller de relaxación para bebés será os días 17 e 31 de marzo e o 21 de abril de 11:30 a 12:30 horas.
Neste taller abórdanse cuestións coma o movemento, duración e lugar da masaxe; a técnica da masaxe; a cara; os pés; as pernas e os brazos; a masaxe abdominal; masaxe torácica; masaxe tranquilizadora e masaxe activadora, entre outras. O curso será impartido por María del Mar Laurel León, especialista en masaxe e osteopatía.
Este programa axuda a regular e reforzar as funcións respiratoria, circulatoria e gastrointestinal; axuda a relaxarse e alivio do estrés que produce atoparse diariamente con cousas novas e intensifica a comunicación afectiva entre o bebé e as persoas do seu entorno, estimula o sistema inmunolóxico e propicia un mellor desenvolvemento do sistema nervioso
ÚLTIMA HORA
- Entregados os premios do ‘Ribadeo Sabe’
- A Mariña Lucense exhibe o seu potencial turístico na 48ª edición de TUREXPO Galicia
- Os socialistas denuncian que PP e Por Viveiro avalan cobrar pola celebración de vodas civís, un servizo ata agora gratuíto
- A Xunta de Galicia apoia a segunda edición da Festa da Xuventude, organizada pola Asociación Cultural e Veciñal Virxe da Portería e que se celebrará este sábado, 6 de xuño, na Ponte de Outeiro, en Castro de Rei
- A Xunta de Galicia apoia a segunda edición da Festa da Xuventude, organizada pola Asociación Cultural e Veciñal Virxe da Portería e que se celebrará este sábado, 6 de xuño, na Ponte de Outeiro, en Castro de Rei
A programación presentouse na Delegación Territorial de Lugo, nun acto no que participaron o delegado territorial, Alfonso Villares; o alcalde, Francisco Balado; e representantes da entidade organizadora. Villares lembrou que a asociación recuperou o ano pasado a tradicional celebración do Corpus Christi na parroquia e destacou o seu labor impulsando actividades que fortalecen a convivencia. A xornada comezará ás 13:00 horas coa misa e a sesión vermú, continuará ás 15:00 co xantar popular e incluirá sorteos, animación musical, unha cea a base de petiscos e verbena. - O Concello de El Franco presenta “Conciliando tu verano rural 2026”
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello. - O CEIP Península da Paz, de San Cibrao, celebrará o seu 40 aniversario o martes 9 de xuño ás 17:00 horas nas instalacións do propio centro
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas. - O sábado 6 de xuño, ás 12:00 horas, coincidindo coa celebración da LXI Feira de Mostras de Vegadeo, os tres grupos de desenvolvemento rural que integran a Reserva da Biosfera Río Eo, Oscos e Terras de Burón presentarán o proxecto de cooperación interautonómica LEADER, destinado a dinamizar e reforzar a gobernanza participativa da Reserva
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades. - O Bar O Faro de San Cibrao celebrou o pasado sábado o seu décimo aniversario cunha xornada especial que reuniu clientes, amizades e veciñanza
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo. - A sala de exposicións de Regalxunqueira, Viveiro, acolle ata o 30 de xuño a mostra Coma sempre da pintora lucense Carmen Prado, artista autodidacta coñecida pola súa obra centrada na figura feminina
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. - O Concello de Cervo felicita a Santi González Villares, do club de tiro con arco Iadovi, pola medalla de ouro obtida no Campionato Galego de Tiro con Arco de Campo celebrado esta fin de semana en A Rúa
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
2021 Crónica 3 A Mariña - Implementado por GaliciaDigital