O BNG HOMENAXEA EN SAN CIBRAO AS PERSOAS E FAMILIAS REPRESALIADOS POLO LEVANTAMENTO FASCISTA DE 1936 NO “DÍA DA GALIZA MARTIR”
Estúa afirma que facer memoria e homenaxear aos esquecidos é importante para saber de onde vimos e a onde non debemos volver.
A placa de homenaxe mercada con aportacións populares cambiará lugar ao cambiar de propietarios a vivenda onde estivo situada nos últimos 10 anos.
Cervo, 14 de agosto de 2012. O BNG promove no “Día da Galiza Martir” un acto de homenaxe as persoas que defenderon no concello de Cervo o sistema democrático republicano tras o levantamento fascista de 1936. Para os nacionalistas é de xustiza ofrecer a nosa gratitude a todas aquelas persoas que con moito sufrimento para elas e as súas familias defenderon os ideais republicanos diante do feroz levantamento fascista do ano 36 que desembocou nunha guerra fratricida e nunha brutal represión contra os vencidos. Da represión franquista en Cervo dan conta os datos publicados nos que figuran mais de 60 persoas entre executadas con xuizo, paseadas, sentenzas de cadea perpetua, prisión en diferentes graos, traslados a campos de concentración, falecidas en combate ou expedentadas. O Portavoz municipal Xoán Antón Estúa García, pediu desculpas previas por se faltaran nomes ou houbera erros nos datos que foron recollidos de fontes xa publicadas.
Terceiro homenaxe e cambio de lugar da placa de homenaxe manténdose aínda así a Praza do Lugar como símbolo de agradecemento.
Segundo explicou o portavoz municipal nacionalista, Xoán Antón Estúa García, sería a terceira ocasión que en Cervo se fai esta homenaxe, sempre promovida polo BNG, xa que na primeira en 2002 a placa de homenaxe foi destruída na mesma noite da súa colocación, posteriormente mercouse outra de bronce con aportacións populares e agora cambia de lugar ao cambiar de propietarios a vivenda onde estivo colocada nos últimos 12 anos que foi propiedade de familiares de represaliados polas súas ideas políticas e pasará agora a outra na mesma Praza do Lugar de San Cibrao dunha familia que ao igual que a anterior, tamén sufriu a represión franquista. Estúa engadiu que nesta praza tamén viviu ate o seu fusilamento o alcalde Benito Colín Veiga, executado xunto co secretario do concello, Xosé Mª Correa Miranda o 10 de decembro de 1936.
Facer memoria e homenaxear aos esquecidos é importante para saber de onde vimos e a onde non debemos volver, esta xente debería formar parte do nomenclátor das rúas e prazas do concello.
Para o BNG con estes actos preténdese recuperar a memoria histórica dos esquecidos porqué saber de onde vimos é importante para saber a onde non debemos volver, neste sentido Estúa afirmou que non se trata de levantar vellas feridas senón de dar conta do que pasou para lembrar e honrar a aqueles e aquelas a quen a historia esqueceu e só quedaron na memoria dos seus familiares. Xoán Antón Estúa afirmou que “sería moi positivo que se abrira o nomenclátor das rúas e lugares do concello a estes veciños e veciñas de Cervo que defenderon os ideais democráticos fronte a unha ditadura militar, neste sentido instou á corporación municipal a telos en conta para as rúas e prazas do noso concello. Por último, o portavoz nacionalista agradeceu á familia Abad Fra o consentimento para a colocación da placa na fachada da súa vivenda e lembrou que o seu proxenitor Antonio Abad Gómez que exerceu de panadeiro en San Cibrao durante moitos anos e antes tivo que sufrir a represión cunha condena a cadea perpetua. Igualmente lembrou a memoria de Maruja Trelles, tamén familia de represaliados políticos, que prestou xenerosamente a súa vivenda durante 12 anos para que fose colocada alí a placa que agora cambia de lugar.
Programa:
20:00 hras. DESCUBRIMENTO DA PLACA CONMEMORATIVA POR PERSOAS DO CONCELLO.
INTERVENCIÓN DO PARLAMENTARIO MANUEL PARGA NÚÑE
INTERVENCIÓN DO PORTAVOZ MUNICIPAL XOÁN ANTÓN ESTÚA GARCÍA
20:00 hras. MESA REDONDA COA PARTICIPACIÓN DE:
JAVIER RIVERA – XORNALISTA DE S. CIBRAO
ROBERTO PÉREZ VILA – DESCENDENTE DO MESTRE DA PARROQUIA DE RÚA, JULIÁN PÉREZ PALACIÓS REPRESALIADO POLÍTICO.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
