MAÑÁ DA COMEZO A XXII FESTA DA FABA DE LOURENZÁ NA QUE SE PORÁN Á VENDA ENTRE 8 E 10 MIL KILOS DESTE PRODUTO E NA QUE HABERÁ DEGUSTACIÓNS O SÁBADO E O DOMINGO. EMMA ÁLVAREZ ANIMA Á XENTE A ACHEGARSE Á VILA ESTES DÍAS.
Lourenzá, 4 de outubro de 2012. Todo está listo en Lourenzá para a celebración da vixésimo segunda edición da festa da faba. Un evento, declarado de interés turístico galego, no que se porán á venda entre 8 e 10 mil kilos deste produto. A alcaldesa, Emma Álvarez Chao, anima á xente a achegarse a Lourenzá estes días a disfrutar do programa de actividades que se desenvolverán e das degustacións que haberá tanto o sábado coma o domingo.
Álvarez Chao dixo que “aparentemente, se o tempo no cambia, teremos un fin de semana moi agradable aquí no Concello de Lourenzá para poder disfrutar duns días de festa en torno a un producto que é referente do noso municipio e xa empeza a ser referente tamén para outros moitos lugares da nosa comarca, que é a faba”.
A rexedora explicou que “mañá, vernes, xa temos a honra de ter con nós a un pregoeiro, José Mouriño Cuba, moi vinculado á nosa producción de faba e teremos pola noite festa. Pero tamén estes días teñen que ter unha inauguración oficial, que será por parte da conselleira de Medio Rural, dona Rosa Quintana Carballo, que estará con nós o sábado ás doce e media, xusto antes do plato forte, a primeira degustación da faba de Lourenzá, que tamén haberá o domingo”.
A Emma Álvarez Chao e ao seu equipo de goberno parécelles “primordial que nunha festa deste calibre para promocionar un producto gastronómico xire toda a programación en torno á súa degustación. Así tanto o sábado coma o domingo teremos degustacións de fabas de Lourenzá preparadas en fabada tradicional e tamén con ameixas. Paralelamente todos os establecementos hostaleiros do casco urbano van participar nun concurso e repartirán xunto coa consumición de forma gratuita tapas de fabas de Lourenzá. Cada establecemento elaborará tres especialidades diferentes para participar no concurso e o gañador saberase o domingo á tarde”.
A alcalde de Lourenzá tameén se refeirue ao papel que xogan os fabeiros nesta cita, xa que “durante meses con moito mimo e esmero sacan adiante este producto que nesta fin de semana eloxiamos. Polo tanto terán abertos os seus postos, no Cantón, durante todo o día tanto o sábado como o domingo. Aínda que no recinto feiral tamén haberá o tradicional mercado dominical a partires das oito e media da mañá, un mercado no que este ano agardamos que pasen por el unha cantidade importante de fabas. Tal como foi o clima nestes días previos, nos que se puido facer a recollida de xeito satisfactorio agardamos que poidan pasar entre 8 e 10.000 kilos de fabas por este mercado do domingo”.
Emma Álvarez lembrou que “tamén destacamos dentro da programación a terceira carreira popular Val das Fabas, que será o sábado ás catro e media da tarde, que traerá ao noso concello a máis de 200 atletas, si se cumplen as previsións tendo en conta a participación do ano pasado, deportistas que virán a correr e xa de paso coñecer o municipio e tamén disfrutar deste producto estrela, a xoia do noso concello, que é a faba de Lourenzá”.
A alcaldesa convida e anima “a todos a que se pasen por Lourenzá. O tempo creo que vai axudar e temos programa para que estean entretidos dende o venres ás oito e media da tarde ata o domingo tamén ás oito e media da tarde”.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
