O alcalde de Burela agradece a receptibilidade da ministra de Fomento sobre a variante

A REBAIXA DA LIÑA DE EDIFICABILIDADE DA ACTUAL VARIANTE DE BURELA, SEGUNDO O ALCALDE, “DESPEXA O FUTURO DO PXOM E DA MOITAS FACILIDADES PARA LEVAR ADIANTE A AMPLIACIÓN DO HOSPITAL DA COSTA”. GONZÁLEZ BARCIA AGRADECE A RECEPTABILIDADE DA MINISTRA DE FOMENTO E DO SEU EQUIPO PARA ABORDAR ESTE ASUNTO.

Burela, 16 de outubro de 2012. O alcalde, José Mª González Barcia, valora de xeito moi positivo que Fomento rebaixe a liña de edificabilidade da actual variante de Burela. Barcia sinala que é unha noticia que despexa o futuro do PXOM e da moitas facilidades para levar adiante a ampliación do Hospital da Costa. O rexedor burelés viaxará en novembro a Madrid para manter un encontro co director general de Carreteras, Jorge Urrecho.

O alcalde dixo que “a ministra de Fomento, Ana Pastor, anunciou aquí en Burela que o seu departamento vai rebaixar a liña de edificabilidade da actual variante de Burela coincidindo coa aprobación do estudio informativo da autovía Barreiros-San Cibrao. Isto é sen dúbida unha boa noticia para o noso concello e ben a ratificar que o que nós platexabamos ao Ministerio de Fomento era algo que podía ser asumido”. E lembrou que “nós, na tramitación do plan xeral de ordenación municipal, plantexamos esa rebaixa da liña de edificabilidade, da liña de afectación da actual variante, que está en 100 metros, para deixala en 25 metros, fundamentalmente pola parte norte, é dicir mirando cara Burela pobo”.

Para José Mª González Barcia “si isto se confirma, e eu non teño porque dubidar da palabra da ministra, é una noticia que despexa o futuro do plan xeral de ordenación municipal de Burela nun sentido moi favorable”. O alcalde de Burela aludiu á entrevista que mantivo coa propia ministra en Madrid, así o dixo tamén Ana Pastor antonte en Burela, “na que entre outras cousas lle plantexaba precisamente esa diminución da afectación da variante, da liña de edificabilidade da variante para aproveitar máis o solo que ten Burela, por un lado, e por outro non sobrepoñer a afectación da variante cunha hipotética afectación da autovía Barreiros-San Cibrao, si se confirma o que o anterior goberno socialista xa plantexou”.

O rexedor burelés subliñou que “iso ten una consecuencia adicional, que ten que ver co anuncio feito onte pola conselleira de Sanidade aquí en Burela en relación co Hospital da Costa: ao diminuír a afectación da actual variante imos ter moitísimas facilidades para levar a cabo a ampliación do hospital”. González Barcia tivo palabras de agradecemento para a ministra Ana Pastor e para o seu equipo “pola súa receptividade para tratar este tema, porque sabemos que o caso de Burela é especial e precisamente con esa excepcionalidade é como o Ministerio de Fomento está tratando este tema”. Sobre o hospital José Mª González Barcia manifestou que “o goberno de Alberto Núñez Feijoo cumpriu coa súa palabra, porque anunciou que ía haber un plan funcional do hospital e dito plan está feito. E iso é o paso previo para realizar a ampliación do Hospital da Costa”.

O alcalde de Burela dixo que “é un paso importante para a tramitación do plan xeral de ordenación municipal e tamén de cara a concertar a superficie onde se vai levar a cabo a ampliación do hospital. Nos próximos días técnicos da Consellería de Sanidade desprazaranse a Burela para ver in situ o espazo que se pode considerar máis idóneo para facer no hospital o que hai que facer. Ademais eu xa anuncio tamén, aínda que á oposición isto non lle gusta nada, que me desprazarei a Madrid a principios do mes que vén para manter unha entrevista co director general de Carreteras do Ministerio de Fomento, Jorge Urrecho, para concretar xa os termos da resolución como dixo a ministra antonte, domingo, aquí en Burela sobre esa diminución da afectación da actual variante”.