FEGADACE.Federación Galega de DanoCerebral
Rúa Manuel María, 6, 2ª Planta -Despacho2•Santiagode Compostela
659 177709•comunicacion@fegadace.org
www.fegadace.org •fegadace.wordpress.com•facebook.com/Fegadace•@fegadacegalicia
Coincidindo coa celebración, o 27 de outubro, do I Foro de Familias
A Federación Galega de Dano Cerebral estréase nas redes sociais e lanza un blog de actualidade
A Federación Galega de Dano Cerebral (FEGADACE) acaba de inaugurar os seus perfís nas
redes sociais, coincidindo coa celebración do I Foro de Familias de persoas afectadas, o vindeiro
día 27 de outubro. FEGADACE lanza tamén un blog que servirá como plataforma de actualidade
desta entidade e das cinco asociacións que a compoñen.
O blog de FEGADACE (http://fegadace.wordpress.com/) ofrece seccións de novidades sobre o
dano cerebral adquirido (DCA); dará conta da actualidade da Federación e das súas asociacións;
inclúe un apartado de recursos gráficos multimedia; e servirá tamén para afortalar as súas
relacións cos medios de comunicación, xa que nel vanse pendurar todos os comunicados e
posicionamentos e un pequeno dossier coas informacións publicadas na prensa.
Este blog está concebido para complementar a actual páxina web de FEGADACE, na que se
disponibiliza toda a información corporativa sobre a Federación e as asociacións, o DCA, as
súas causas, os tratamentos rehabilitadores e a axuda e apoio que, en xeral, poden ofrecer as
asociacións aos afectados e familiares.
FEGADACE afortala, ademais, a súa política comunicativa, estreando perfís nas principais redes
sociais, Facebook (http://facebook.com/Fegadace) e Twitter (@fegadacegalicia), desde os que
axilizará o seu fluxo comunicativo e divulgará as necesidades, actividades e reivindicacións do
colectivo galego de persoas afectadas polo DCA.
O lanzamento destas ferramentas coincide coa preparación do I Foro de Familias de persoas
con dano cerebral, que se vai celebrar en Santiago de Compostela o sábado, 27 de outubro. O
Foro de Familias é un espazo de encontro, debate e posta en común no que van participar
profesionais, asociacións, familiares e persoas afectadas polo dano cerebral. O programa do
Foro, que conta co apoio da Consellería de Traballo e Benestar, xa se pode consultar no blog de
FEGADACE. A data escollida responde á conmemoración do Día do Dano Cerebral Adquirido,
que se celebra cada 26 de outubro, e serve para lembrar a causa das persoas afectadas.
A Federación Galega de Dano Cerebral constituiuse en 2007 polas cinco asociacións que
traballan en Galicia: Adaceco na Coruña, Adace en Lugo, Alento en Vigo, Renacer en Ourense e
Sarela en Santiago. O obxectivo da Federación é contar cunha plataforma común de
interlocución, coordinación e divulgación das necesidades do colectivo de persoas afectadas
polo dano cerebral. Desde agora farao, tamén, a través das redes sociais.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
