RIBADEO .- (FNC) A Concellaría da Muller e o CIM de Ribadeo organizan diversas actividades destinadas ás mulleres que presentou esta mañá a edil nacionalista, Mariluz Álvarez Lastra. O sábado 18 de abril dará comezo un curso de fotografía dixital que se desenvolverá na Escola de Ove os sábados de 11:30 a 13:30 ata finais de maio. Segundo a concelleira de Muller “as mulleres poderán iniciarse na fotografía dixital e no seu tratamento a través da informática, por exemplo. Iniciarse en algo artístico e tamén como unha maneira de comunicar”. O curso é totalmente gratuíto e o único que teñen que facer as interesadas é anotarse nas oficinas do CIM ubicadas no Auditorio Municipal ou chamar ao teléfono do CIM 982 120 739.
E o 19 de abril comenzarán Os domingos a pé que “son unhas rutas de sendeirismo que facemos para compartir e disfrutar do tempo de ocio que temos para nós e achegarnos ao noso patrimonio cultural e artístico”, explica Mariluz Álvarez Lastra. O domingo 19 de abril a ruta será por Santa Eulalia de Oscos e a segunda terá lugar o 24 de maio por Vilaodriz. A saída de Ribadeo, nos dous casos será ás 11 da mañá e a volta entre as cinco e as seis da tarde. Neste caso a actividade tamén é gratuita e para apuntarse as interesadas en participar deben facelo no CIM en horario de 8:30 a 15:00 horas. Estas rutas estarán dirixidas por Pena Tallada e pola Asociación Paco Lanza.
Esta programación foi acordada no seu día polo Consello Municipal da Muller de Ribadeo.
A concelleira de Muller e Cultura lembra que tamén o 19 de abril haberá teatro en Ribadeo coa posta en escea da obra Unha primavera para Aldara “que está moi orientada aos temas da muller, por eso as convido a que acudan a ver esta representación que terá lugar ás 20:30 horas”.
A concellaría da Muller e o CIM de Ribadeo organizan actividades destinadas ás mulleres
Relacionado
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
