A FUNDACIÓN EXPOMAR CONTARÁ CUN ORZAMENTO QUE RONDARÁ OS 180.000 EUROS NO 2013. GONZÁLEZ BARCIA ASEGURA QUE O PADROADO TENTA AMPLIAR O NÚMERO DE MEMBROS PARA DARLLE MÁIS FORZA E MELLORAR A SÚA CAPACIDADE FINANCIEIRA.
Burela, 17 de decembro de 2012. A Fundación Expomar contará cun orzamento que rondará os 180.000 euros durante o vindeiro ano. Esta mañá reuníuse no Concello o padroado que preside o alcalde, José Mª González Barcia, para analizar o plan de actuación do 2013 e para ver cómo están os traballos preparatorios da vindeira edición da feira náutico pesqueira Expomar, que terá lugar a terceira fin de semana do mes de maio.
O rexedor sinalou que “os preparativos da feira van tal e como estaba previsto, se está a contactar con expositores e a inmensa maioría están a confirmar a súa presencia. De todos os xeitos é un pouco prematuro aventurar si se vai repetir un número similiar ao do ano 2011, pero o que sí é certo é que as perspectivas pintan ben. Todo apunta a que feira terá a mesma calidade e contará con firmas de renome, tal e como aconteceu en anos anteriores”.
No plan de actuación da Fundación Expomar para 2013, recóllese a propia realización da XV Feira Náutico Pesqueira do 23 ao 26 de maio. “E tamén se inclúen as xornadas técnicas Expomar que chegan a súa vixésima edición e que terán lugar os días 23 e 24 de maio e os encontros empresariais de organizacións pesqueiras, que serán o 24 de maio. No plan de actuación da Fundación Expomar figuran tamén a duodécima edición de Produart, unha feira de produtos artesanais e ecolóxicos que se vai celebrar do 2 ao 4 de agosto. E a coorganización xunto coa asociación de mulleres palilleiras do encontro de palilleiras que se desenvolverá en maio”, dixo González Barcia.
O alcalde burelés e presidente da Fundación Expomar indicou que “os presupostos que estamos a manexar para 2013 presentan un capítulo de gastos que probablemente andará polos 180.000 euros e que sufragaremos con ingresos. Estamos a negociar coa Xunta e con distintas entidades financieiras as aportacións que con carácter institucional recibe a Fundación xa desde hai anos. E tamén contemplaremos todo o que se refire á recadación que trae consigo a colocación de stands na feira náutico pesqueira. Confiemos en que se cubra tamén en ingresos fundamentalmente”.
José Mª González Barcia manifestou que “estamos tentando ampliar o número de membros do padroado da Fundación Expomar. De feito se ten incorporado a Autoridade Portuaria Ferrol-San Ciprián e confiamos en que en vindeiras datas poida haber algunha incorporación adicional para darlle máis forza ao padroado en sí e tamén maior capacidade financieira”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
