CASE 700 PERSOAS ASISTIRON Á ESTREA DE “OS VELLOS NON DEBEN NAMORARSE”, PRIMEIRA REPRESENTACIÓN DO RECEN NACIDO GRUPO DE TEATRO DE OLLOMAO.
A venda anticipada tivo que ser interrompida para garantir a venda de entradas en taquilla, as cales se esgotaron aos poucos minutos da súa apertura.
O pavillón do Colexio de San Miguel de Reinante transformouse por unhas horas nun teatro dotado de toda infraestructura precisa para acoller ás case 700 persoas que acudiron á representación da obra “Os vellos non deben namorarse”, de Castelao, na noite de onte.
Este evento, iniciativa do Colectivo Cultural Ollomao, quixo ser, ademais da presentación dun novo grupo de teatro con carácter de continuidade, unha homenaxe a todas aquelas persoas de Barreiros que hai 41 anos formaban parte do Plantel de Extensión Agraria e, entre outras actividades, levaran a cabo unha representación deste clásico do teatro galego. O dramaturgo Manuel Lourenzo que estivera presente naquela representación, e o seu director Eduardo Gutiérrez, volveron subir de novo ao escenario para lembrar o éxito da obra do ano 71. Manuel Lourenzo que na súa presentación fixo un repaso pola historia dalgunhas das principais postas en escea de “Os vellos non deben namorarse”, sinalou como, casualmente, estas coincidiron moitas veces con épocas de crise que tan fortemente afectan á cultura, e parabenizou a creación e o impulso de novas iniciativas no teatro comunitario como a do recen creado grupo de Ollomao.
A posta en escea deste clásico de Castelao contou coa participación de case 50 persoas entre actrices e actores, maquillaxe e vestiario, técnicos de son e imaxe gráfica, acomodadores, etc., e a dirección de Comba Compoy e Ramón Casas. A nota musical, en riguroso directo, correu a cargo do grupo Tumba e Dálle que acompañou a interpretación cun repertorio creado a medida para a ocasión.
Dende Ollomao amosan a súa ilusión pola boa acollida da presentación deste novo grupo de teatro, e sinalan que haberá novas representacións na contorna coa intención de que todas aquelas persoas que non puideron asistir a esta primeira función por terse completado o aforo, e todas aquelas outras que o desexen, poidan asistir. Dende o colectivo agardan que esta iniciativa axude a achegar a cultura e tamén o talento barreirense a todos os rincóns, especialmente, a aquelas zonas rurais onde a oferta de ocio e lecer é menos ampla; e agradecen a colaboración de todas as entidades, colectivos e persoas que contribuíron a que esta primeira posta en escea fora todo un éxito.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
