O mentir non ten fronteiras

Daniel Vega Pérez.- Nestes momentos podemos analizar e observar como os cidadáns son enganados polo BNG – o pouco que queda desta parte do nacionalismo – e polo PSOE –mal xestor e único culpable da actual situación económica-.

Socialista, Obreiro e Español son termos que pasaron á historia dentro dun partido da mentira e da corrupción. Os amigos de Beiras: un grupo que se viste de ‘antisistema’ pero que se nutre do propio sistema. Moitos deles critican a política e o sistema actual pero o primeiro e o único salario que tiveron foi como deputado.

Estes partidos, que teñen un problema interno e que sofren un descrédito palpable nas urnas por ser responsables da actual situación, agora menten, engañan e queren crispar aos cidadáns.

Estes partidos, que agora non soltan a pancarta da demagoxia, queren manipular a voz da rúa, o día a día da xente, que ansía ver políticos de altura de miras, políticos que teñan como lema a verdade e o servizo público, a garantía de saber que os políticos están nas institucións para xestionar e investir o diñeiro dos cidadáns ao que contribúen con gran sacrificio.

Veciños, estes días estamos a vivir como se usa o hospital da comarca da Mariña, como arma de ataque contra a Xunta de Galicia, a casa de todos os galegos. Acusan ao Partido Popular de mentir.

Animo a todos a analizar e á reflexión coherente e verdadeira. Non podemos consentir que señores que non fixeron nada polo hospital agora realicen acusacións usando o engaño ‘torticeiro’ e a mentira sen fronteiras. Falamos de alcaldes con falta de compromiso coa verdade e afincados en teses partidistas con dose de virtualidade e pouca realidade. Falamos de dirixentes políticos ben pagados pero mal intencionados.

Exemplos como o vicepresidente da Deputación: gobernante de moqueta e despachos de luxo pero que brila pola súa ausencia e a súa falta de coherencia. Participa dun goberno que xestiona unha institución da cal o seu partido pide a súa eliminación, pero a final de mes, pódese aplicar o dito de “Amiga Inés, te quiero por mi interés”.

Animo ao señor Veiga e amigos a que dimitan. Amigos nacionalistas, non recordan a promesa electoral súa e dos seus compañeiros de viaxe da rosa socialista de ampliar o hospital e investir? Foron incapaces de dotalo economicamente. Iso chamase mentir señores. A verdade fainos libres. O Partido Popular vai ampliar e investir no hospital de todos os cidadáns, os únicos donos das arcas da Xunta de Galicia.

Daniel Vega Pérez, Presidente Provincial de Novas Xeracións